ଧରାକୋଟ,୮/୧୧ : ଧରାକୋଟ ଥାନା ଅନ୍ତର୍ଗତ ବରଡାବିଲି ଗ୍ରାମରେ ଆଜି ଘଟିଛି ଏକ ଲୋମା ଟାଙ୍କୁରା ହତ୍ୟାକାଣ୍ଡ । ଆଜି ସ୍ପଷ୍ଟ ଦିବା ଲୋକରେ ଗ୍ରାମର ସିକନ୍ଦର ସାହୁଙ୍କ ପୁଅ ବଳରାମ ନିଜ ବିଧବା ଭାଉଜ ସସ୍ମିତା ସାହୁ ୩୨କୁ ନିର୍ମମ ଭାବେ ଛୁରୀ ଭୂଷି ହତ୍ୟା କରିବା ପରେ ହତ୍ୟାକାଣ୍ଡରେ ବ୍ୟବୃହତ ଧାରୁଆ ଛୁରୀ ସହ ଥାନାରେ ଆତ୍ମ ସମର୍ପଣ କରିଛି ।
ମିଳିଥିବା ସୂଚନା ଅନୁଯାୟୀ ବରଡାବିଲି ଗ୍ରାମର ସିକନ୍ଦର ସାହୁଙ୍କ ପାଞ୍ଚ ପୁଅ ମଧ୍ୟରୁ ଶିବରାମଙ୍କ କ୍ୟାନସରରେ ମୃତ୍ୟୁ ହେବା ପରେ ତାଙ୍କ ସ୍ତ୍ରୀ ସସ୍ମିତା ନିଜର ଏକ ମାତ୍ର ଝିଅ ଜ୍ୟୋତି (୧୦) ସହ ଘରେ ରହୁଥିଲେ । ନିଜର ଗୁଜୁରାଣ ମେଣ୍ଟାଇବା ପାଇଁ ସିଲେଇ କରି ପରିବାର ପ୍ରତି ପୋଷଣ କରୁଥିଲେ । ସବୁଦିନ ପରି ଆଜି ଝିଅ ଜ୍ୟୋତି ନିକଟସ୍ଥ ବିଦ୍ୟାଳୟକୁ ଯିବା ପରେ ବଳରାମ ମଧ୍ୟାହ୍ନ ସମୟରେ ସସ୍ମିତା ନିକଟକୁ ଆସିଥିଲେ । କୌଣସି କାରଣକୁ ନେଇ ଉଭୟଙ୍କ ମଧ୍ୟରେ ବଚସା ହେବାପରେ ଏଥିରେ ଉତକ୍ଷିପ୍ତ ହୋଇ ପୁତୁରା ବଳରାମ ସାଙ୍ଗରେ ଆଣିଥିବା ଧାରୁଆ ଛୁରୀରେ ଖୁଡି ସସ୍ମିତାକୁ ଆକ୍ରମଣ କରିବା ସହ ତଣ୍ଟିକୁ କାଟି ହତ୍ୟା କରିବା ପରେ ଧରାକୋଟ ଥାନାରେ ଆତ୍ମ ସମର୍ପଣ କରିଥିଲେ।
