ଆନନ୍ଦପୁର,୧୮/୧୧: ରାସ୍ତାରେ ଥିବା ହମ୍ପସ୍ ହେଲା କାଳ । ହମ୍ପସ୍ ପାରି ହେବା ସମୟରେ ବାଇକ୍ରୁ ପଡ଼ିଗଲେ ମହିଳା । ଚାଲିଗଲା ଜୀବନ । ମୃତକ ଆନନ୍ଦପୁର ଥାନା କଣ୍ଟିପାଳ ଗାଁର ସୁକାନ୍ତି ସୟେ ବୋଲି ଜଣା ପଡ଼ିଛି । କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଘସିପୁରା ଥାନା ଶୈଲଙ୍ଗ ଛକ ନିକଟରେ ଏଭଳି ଏକ ଅଭାବନୀୟ ଘଟଣା ଘଟିଛି ।
ସୂଚନା ମୁତାବକ, ସୁକାନ୍ତି ସୟେ ନିଜ ପୁତୁରା ସହ ବାଇକ୍ ଯୋଗେ ଦେଓଗାଁ ଅଞ୍ଚଳରୁ ନିଜ ଗାଁକୁ ଫେରୁଥିଲେ । ଶୈଲଙ୍ଗ ଛକ ନିକଟରେ ଏକ ବଡ ହମ୍ପସ୍ ପାରି ହେବା ସମୟରେ ବାଇକ୍ରୁ ତଳକୁ ପଡି ଯାଇ ଥିଲେ ସୁକାନ୍ତି । ଏହା ଦେଖି ତୁରନ୍ତ ସୁକାନ୍ତିଙ୍କ ପୁତୁରା ତାଙ୍କୁ ଗୁରୁତର ଅବସ୍ଥାରେ ଆନନ୍ଦପୁର ଡାକ୍ତରଖାନା ଭର୍ତ୍ତି କରିଥିଲେ । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି ।
