ଭୁବନେଶ୍ୱର ୦୨/୦୩: ଅମୃତଭଣ୍ଡା ବେଶ୍ ସ୍ୱାସ୍ଥ୍ୟକର ପରିବା ଭାବେ ପରିଚିତ । ତଥାପି ଏହା କିଛି ଲୋକଙ୍କ ପାଇଁ ଖୁବ୍ କ୍ଷତିକାରକ ହୋଇପାରେ । ଚାଲନ୍ତୁ ଜାଣିବା କେଉଁମାନଙ୍କ ପାଇଁ ଏହା କ୍ଷତିକାରକ?
ଗର୍ଭବତୀ ମହିଳା:
ମହିଳାମାନେ ଗର୍ଭବତୀ ଥିବା ବେଳେ ଅମୃତଭଣ୍ଡା ଖାଇବା ଅନୁଚିତ୍ । ବିଶେଷକରି କଞ୍ଚା ଅମୃତଭଣ୍ଡା ଖୁବ୍ ହାନିକାରକ । ଏପରିକି ଗର୍ଭପାତ ହେବାର ଆଶଙ୍କା ଉପୁଜିପାରେ ।
କମ୍ ଶର୍କରା:
ଯେଉଁମାନଙ୍କ ଶରୀରରେ ଶର୍କରାସ୍ତର କମ୍ ରହୁଥିବ, ସେମାନେ ଅମୃତଭଣ୍ଡା ଖାଇବା ଅନୁଚିତ୍ । କାରଣ ଅମୃତଭଣ୍ଡାର ଗ୍ଲାଇସେମିକ୍ ଇଣ୍ଡେକ୍ସ ବା ଗ୍ଲୁକୋଜ୍ କମ୍ କରୁଥିବା ଗୁଣ ରହିଛି, ଯାହା ରକ୍ତରେ ଶର୍କରାସ୍ତର କମାଇ ଦେଇଥାଏ । ଶରୀରରେ ଶର୍କରାସ୍ତର କମ୍ ରହୁଥିବା ବେଳେ ଅମୃତଭଣ୍ଡା ଖାଇଲେ ଏହା ଆହୁରି କମାଇଥାଏ, ଯାହା ଶରୀର ପାଇଁ ହାନିକାରକ ସାବ୍ୟସ୍ତ ହୋଇଥାଏ ।
ଅନିୟମିତ ହୃଦ୍ସ୍ପନ୍ଦନ:
ଯେଉଁ ଲୋକଙ୍କଠାରେ ହୃଦୟଜନିତ ସମସ୍ୟା ରହିଥାଏ । ବିଶେଷକରି ହୃଦ୍ସ୍ପନ୍ଦନରେ ଅନିୟମିତତା ଦେଖା ଦେଉଥାଏ । ଅମୃତଭଣ୍ଡା ସେମାନଙ୍କ ପାଇଁ ଖୁବ୍ ହାନିକାରକ ।
ଆଲର୍ଜି ସମସ୍ୟା:
ଯଦି କୌଣସି ବ୍ୟକ୍ତିଠାରେ ଆଲଜି ର୍ ସମସ୍ୟା ରହିଥାଏ, ତେବେ ସେ ଅମୃତଭଣ୍ଡାଠାରୁ ଦୂରେଇ ରହିବା ଜରୁରି । ଏଥିରେ ରହିଛି ଚିଟିନାସେସ୍ ନାମକ ଏନ୍ଜାଇମ୍, ଯାହା ଆଲର୍ଜି ପ୍ରତିକ୍ରିୟାର କାରଣ ସାଜିଥାଏ ।
କିଡ୍ନୀରେ ପଥର:
ଅମୃତଭଣ୍ଡା ଖାଇବା ଦ୍ୱାରା କିଡ୍ନୀରେ ପଥର ସମସ୍ୟା ଗମ୍ଭୀର ହୋଇଥାଏ । ତେଣୁ ଯେଉଁମାନଙ୍କର କିଡ୍ନୀ ସମସ୍ୟା ରହିଥାଏ, ସେମାନେ ଅମୃତଭଣ୍ଡାଠାରୁ ଦୂରେଇ ରହିବା ଜରୁରି । ନଚେତ୍ ସମସ୍ୟା ବଢିବାର ଆଶଙ୍କା ରହିଥାଏ ।
