ଭୁବନେଶ୍ବର, ୨୮।୧୦ : ମହାରାଷ୍ଟ୍ରରୁ ଶିମିଳିପାଳ ଆସିଥିବାର ବାଘୁଣୀର ନାଁ ରଖାଯାଇଛି। ବାଘୁଣୀର ନାମ ଯମୁନା ରଖାଯାଇଛି ବୋଲି ପିସିସିଏଫ ସୁଶାନ୍ତ ନନ୍ଦ ସୂଚନା ଦେଇଛନ୍ତି।
ମହାରାଷ୍ଟ୍ରର ତଡବା ଅନ୍ଧାରୀ ବ୍ୟାଘ୍ର ପ୍ରକଳ୍ପରୁ ଶିମିଳିପାଳକୁ ଗୋଟିଏ ଅଢେଇ ବର୍ଷର ବାଘୁଣୀ ରବିବାର ଅଣାଯାଇଛି । ଏହି ବାଘୁଣୀକୁ ଆଣିବାକୁ ଶିମିଳିପାଳ ବ୍ୟାଘ୍ର ପ୍ରକଳ୍ପର ଏକ ସ୍ୱତନ୍ତ୍ର ଟିମ୍ ଗତ ୨୦ ତାରିଖରେ ମହାରାଷ୍ଟ୍ର ଯାଇଥିଲେ । ଗତକାଲି ବାଘୁଣୀ ଧରାହେବା ପରେ ଆଇନ କାନୁନ ଅନୁଯାୟୀ ସମସ୍ତ କାଗଜପତ୍ର ହେବା ପରେ ଏହାକୁ ଶିମିଳିପାଳକୁ ଅଣାଯାଇଥିବା ନେଇ ଶିମିଳିପାଳ ବ୍ୟାଘ୍ର ପ୍ରକଳ୍ପ ନିର୍ଦ୍ଦେଶକ ତଥା ଆଞ୍ଚଳିକ ବନ୍ୟପ୍ରାଣୀ ସଂରକ୍ଷକ ଡଃ ପ୍ରକାଶଚାନ୍ଦ ଗୋଗୀନେନୀ ଗଣମାଧ୍ୟମକୁ ସୂଚନା ଦେଇଥିଲେ। ସୋମବାର ବଡିଭୋରରୁ ଏନକ୍ଲୋଜରରେ ବାଘୁଣୀକୁ ଛଡାଯାଇଛି । କିଛିଦିନ ଅହରହ ନିରୀକ୍ଷଣରେ ରହିବା ପରେ ଜଙ୍ଗଲର କୋର୍ ଏରିଆରେ ବାଘୁଣୀକୁ ଛଡାଯିବ।
