ପ୍ରମୂଖ ଖବର
  • ରବିବାର NEET-UG ପରୀକ୍ଷା, ୨୨.୭ ଲକ୍ଷ ପିଲା ଦେବେ ପରୀକ୍ଷା
  • ||
  • ଅନୁଗୁଳ : ଗଛ ପଡି ଚାଲିଗଲା ମହିଳାଙ୍କ ଜୀବନ, ଅଳ୍ପକେ ବର୍ତ୍ତିଲା ତିନି ବର୍ଷର ଛୁଆ
  • ||
  • ପାରାଦୀପ : ହାଇୱା ଦୁର୍ଘଟଣାରେ ୨ ମୃତ, ବନ୍ଦର ଗେଟରେ ତାଲା ପକାଇ ଆନ୍ଦୋଳନ
  • ||

ଗଛ ପଡି ଚାଲିଗଲା ମହିଳାଙ୍କ ଜୀବନ, ଅଳ୍ପକେ ବର୍ତ୍ତିଲା ତିନି ବର୍ଷର ଛୁଆ

Published By : Harapriya Sethi | May 4, 2025 7:40 AM

ଭୁବନେଶ୍ୱର, ୦୪/୦୫: ଦେଭୂଇଁ ଗ୍ରାମରେ ଝଡତୋଫାନରେ ଗଛପଡି ଜଣେ ମହିଳାଙ୍କ ମୃତ୍ୟୁ ହୋଇଛି। ଅଳ୍ପକେ କିନ୍ତୁ ତାଙ୍କର ଏକ ତିନି ବର୍ଷର ଝିଅ ରକ୍ଷା ପାଇଛନ୍ତି। ଅନୁଗୁଳ ଜିଲ୍ଲା କଣିହାଁ ବ୍ଲକ ବଡଗୁଣ୍ଡୁରୀ ପଞ୍ଚାୟତ ଦେଭୂଇଁ ଗ୍ରାମରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ଶନିବାର ରାତିରେ ହଠାତ ଝଡ଼ ତୋଫାନ ସହ ବର୍ଷା ଆସିଥିଲା। ସେହି ସମୟରେ ଗେଲେଇ ବେହେରା ପଡିଶା ଘରୁ ଛୁଆଙ୍କୁ ଧରି ଫେରୁଥିଲେ । ଏହି ସମୟରେ ପ୍ରବଳ ଝଡତୋଫାନ ଯୋଗୁଁ ଘର ପାଖରେ ଥିବା କୃଷ୍ଣଚୁଡା ଗଛଟି ମହିଳାଙ୍କ ଉପରେ ପଡିଯାଇଥିଲା । ଫଳରେ ଘଟଣା ସ୍ଥଳରେ ଗେଲେଇ ବେହେରାଙ୍କ ମୃତ୍ୟୁ ହୋଇଛି । ଏହା ଦେଖି ତୁରନ୍ତ ସ୍ଥାନୀୟ ଲୋକେ ସେଠାରୁ ଛୋଟ ପିଲାକୁ ଉଦ୍ଧାର କରିଛନ୍ତି । ଛୁଆଟି ସୁସ୍ଥ ଥିବା ଜଣାପଡିଛି । ଖବର ପାଇ କଣିହାଁ ଅଗ୍ନିଶମ ଅଧିକାରୀ ଘଟଣା ସ୍ଥଳରେ ପହଞ୍ଚି ଗଛଟିକୁ କାଟି ମହିଳାଙ୍କ ମୃତଦେହ ଉଦ୍ଧାର କରିଛି । କଣିହାଁ ପୋଲିସ ଘଟଣାର ତଦନ୍ତ ଆରମ୍ଭ କରିଛି।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.