ଫୁଲବାଣୀ,୨୫/୮ ; ବାଲିଗୁଡାର ପୂର୍ବତନ ବିଧାୟକ ତଥା ବରିଷ୍ଠ ବିଜେପି ନେତା ସ୍ବର୍ଗତ କରେନ୍ଦ୍ର ମାଝୀଙ୍କୁ ଫୁଲବାଣୀ ଠାରେ ଶ୍ରଦ୍ଧାଞ୍ଜଳୀ ଅର୍ପଣ କରାଯାଇଛି। ଅପରାହ୍ନରେ କରେନ୍ଦ୍ରଙ୍କ ମରଶରୀ ସ୍ଥାନୀୟ ଏଫସିଆଇ ଛକ ଠାରେ ପହଞ୍ଚିବା ପରେ ଦଳୀୟ ନେତା, କର୍ମକର୍ତ୍ତା ତଥା ବିଭିନ୍ନ ରାଜନୈତିକ ଦଳ ଏବଂ ସାମାଜିକ ସଂଗଠନର କର୍ମକର୍ତ୍ତା ଶେଷଦର୍ଶନ କରିବା ସହିତ ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ।
କନ୍ଧମାଳ ସାଂସଦ ସୁକାନ୍ତ ପାଣିଗ୍ରାହୀ, ଫୁଲବାଣୀ ବିଧାୟକ ଉମା ଚରଣ ମଲ୍ଲିକ, ବୌଦ୍ଧ ବିଧାୟକ ସରୋଜ କୁମାର୍ ପ୍ରଧାନ, ଜିଲ୍ଲା କଂଗ୍ରେସ ସଭାପତି ଚନ୍ଦ୍ର ଶେଖର ପରିଡା, ବିଜେପି ଜିଲ୍ଲା ସଭାପତି ପଣ୍ଡିତ ବିଶିମାଝୀଙ୍କ ସମେତ ଜିଲ୍ଲାର ବହୁ ବିଜେପି ନେତା ଓ କର୍ମୀ ଉପସ୍ଥିତ ଥିଲେ। ପରେ ମରଶରୀରକୁ ଏଫସିଆଇ ଛକରୁ ଏକ ବିରାଟ ଶୋଭାଯାତ୍ରାରେ ସହର ପରିକ୍ରମା କରି ଫିରିଙ୍ଗିଆ ଦେଇ ବାଲିଗୁଡା ନିଆ ଯାଇଥିଲା । ସୂଚନାଯୋଗ୍ୟ, ପୂର୍ବତନ ବିଜେପି ବିଧାୟକ କରେନ୍ଦ୍ର ମାଝୀଙ୍କ ୫୩ ବର୍ଷ ବୟସରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ରବିବାର ଦେହାନ୍ତ ଘଟଥିଲା
