ସମ୍ବଲପୁର, ୧୯/୫: ସମ୍ବଲପୁର ଅଇଁଠାପାଲି ଛକ ସାଜିଛି ମରଣଯନ୍ତା। ପୂର୍ବତନ ଜିଲ୍ଲା ଅତିରିକ୍ତ ମୁଖ୍ୟ ଚିକିତ୍ସାଧିକାରୀଙ୍କ ଉପରେ ମାଡ଼ିଗଲା ଟ୍ରକ। ଦୁର୍ଘଟଣାସ୍ଥଳରେ ପୂର୍ବତନ ଏଡିଏମ୍ଓ ଭରତ ଚନ୍ଦ୍ର ଦାସଙ୍କ ମୃତ୍ୟୁ ଘଟିଛ। ସେପଟେ ଟ୍ରକ୍ ଛାଡ଼ି ଘଟଣାସ୍ଥଳରୁ ଡ୍ରାଇଭର ଫେରାର ମାରିଛି। ପୋଲିସ ଟ୍ରକ ଜବତ କରିଥିବା ବେଳେ ଚାଳକକୁ ଧରିବା ପାଇଁ ଉଦ୍ୟମ ଚଳାଇଛି।
ସୂଚନା ଅନୁଯାଇ, ଆଜି ପୂର୍ବାହ୍ନ ପ୍ରାୟ ୧୧ଟା ବେଳେ ପୂର୍ବତନ ଏଡିଏମ୍ଓ ଭରତ ଚନ୍ଦ୍ର ଦାସ ନିଜ ସ୍କୁଟିରେ ଯାଉଥିଲେ । ଅଇଁଠାପାଲି ଛକ ନିକଟ ମଦନାବତୀ ସ୍କୁଲ ନିକଟରେ ଏକ ଟ୍ରକ ତାଙ୍କୁ ଧକ୍କା ଦେଇ ମୁଣ୍ଡ ଉପରେ ଚଢ଼ି ଚାଲିଯାଇଥିଲା। ଫଳରେ ଘଟଣାସ୍ଥଳରେ ତାଙ୍କର ଜୀବନ ଚାଲିଯାଇଥିଲା। ଦୁର୍ଘଟଣା ପରେ ଅଇଁଟାପାଲି ପୋଲିସକୁ ସ୍ଥାନୀୟଲୋକ ସୂଚନା ଦେଇଥିଲେ। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ଜିଲ୍ଲା ମୁଖ୍ୟ ହସ୍ପିଟାଲକୁ ବ୍ୟବଚ୍ଛେଦ ପାଇଁ ପଠାଇଛି। ଏଥି ସହିତ ଦୁର୍ଘଟଣା ଘଟାଇଥିବା ଟ୍ରକ୍କୁ ଜବତ କରିଛି। ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିବା ଧରିବାକୁ ଉଦ୍ୟମ ଚଳାଇଛି ପୋଲିସ।
ଡକ୍ଟର ଦାସ ଚଳିତ ବର୍ଷ ଫେବ୍ରୁଆରୀରେ ଜିଲ୍ଲା ଅତିରିକ୍ତ ମୁଖ୍ୟ ଚିକିତ୍ସାଧିକାରୀ ଭାବେ ଅବସର ଗ୍ରହଣ କରିଥିଲେ। ଅଇଁଠାପାଲି ଥାନା ଅଧୀନ ପ୍ରଗତି ବିହାର ଅଞ୍ଚଳରେ ରହୁଥିଲେ ।
