ଭୁବନେଶ୍ୱର, ୧୮/୦୪: ଲଙ୍ଗଳପାକନା ଘାଟିରେ ଅଘଟଣ । ଭାରସାମ୍ୟ ହରାଇ ଓଲଟିଲା ଲୁହା ବୋଝେଇ ଟ୍ରକ୍ । ଗାଡି ଭିତରେ ଚାପି ହୋଇ ରହିଛି ଡ୍ରାଇଭର । ଡ୍ରାଇଭର ଜୀବିତ ଥିବା ଜଣାପଡିଛି । ଘଟଣା ସ୍ଥଳେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ୩୨୬ ନମ୍ୱର ଜାତୀୟ ରାଜପଥ ବୈପାରୀଗୁଡା ଥାନା ଅନ୍ତର୍ଗତ ଲଙ୍ଗଳପାକନା ଘାଟିରେ ଏଭଳି ଘଟଣା ଘିଟିଛି ।
ସୂଚନା ମୁତାବକ, ଲୁହା ବୋଝେଇ ଟ୍ରକ୍ଟି ରାଇଘର ଠାରୁ ତାଲିମନାଡୁ ଅଭିମୁଖେ ଯାଉଥିଲା ଆସୁଥିଲା । ଲଙ୍ଗଳପାକନା ଘାଟିରେ ଭାରସାମ୍ୟ ହରାଇବାରୁ ଟ୍ରକ୍ଟି ଓଲଟି ପଡ଼ିଥିଲା । ଫଳରେ ଗାଡ଼ି ଭିତରେ ଡ୍ରାଇଭର ଚାପି ହୋଇ ରହିଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ରେଢାଖୋଲ ପୋଲିସ ଏବଂ ଅଗ୍ନିଶମ ବାହିନୀ ପହଁଞ୍ଚିଛି । ଜେସିବି ମେସିନ ଏବଂ କଟର ସାହାଯ୍ୟରେ କାଟି ଗାଡ଼ି ଭତରୁ ଡ୍ରାଇଭରକୁ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ଅଗ୍ନିଶମ ବାହିନୀ ।
