ନୂଆଦିଲ୍ଲୀ: ନାଶିକ୍ ଆର୍ଟିଲିର୍ ସେଣ୍ଟରରେ ଏକ ଦୁଃଖଦ ଘଟଣା ଘଟିଛି । ନିୟମିତ ପ୍ରଶିକ୍ଷଣ ଅଧିବେଶନ ଚାଲିଥିବା ସମୟରେ ବିସ୍ଫୋରଣ ଘଟି ଦୁଇଜଣ ଅଗ୍ନିବୀରଙ୍କ ପ୍ରାଣହାନୀ ଘଟିଛି । ଏହି ଦୁର୍ଘଟଣା ଲାଇଭ-ଫାୟାର ଆର୍ଟିଲିର୍ ଅଭ୍ୟାସ ସମୟରେ ଘଟିଛି।
ଏହି ବିସ୍ଫୋରଣ ସେତେବେଳେ ଘଟିଥିଲା ଯେତେବେଳେ ସୈନିକମାନେ ଆର୍ଟିଲିରିରୁ ଗୁଳି ଚଳାଇବା ଅଭ୍ୟାସ କରୁଥିଲେ । ଏଥିରେ ଦୁଇଜଣ ଅଗ୍ନିବୀର କର୍ମଚାରୀ ଗୁରୁତର ଆହତ ହୋଇଥିଲେ । ସେମାନଙ୍କୁ ବଞ୍ଚାଇବା ପାଇଁ ସମସ୍ତ ପ୍ରୟାସ କରାଯାଇଥିଲା କିନ୍ତୁ ଆଘାତ ଏତେ ଗୁରୁତର ଯେ ସେମାନଙ୍କ ପ୍ରାଣହାନୀ ଘଟିଛି । ଏହି ଘଟଣା ପରେ ବିସ୍ଫୋରଣର ପ୍ରକୃତ କାରଣ ଜାଣିବା ପାଇଁ ଅଧିକାରୀ ମାନେ ତଦନ୍ତ ଆରମ୍ଭ କରିଛନ୍ତି।
ସୂଚନାଥାଉକି, ନାଶିକର ଆର୍ଟିଲିରି ସେଣ୍ଟରରେ ଅଗ୍ନିବୀର ମାନଙ୍କୁ ତାଲିମ ଦିଆଯାଉଛି। ଗତକାଲି ଅପରାହ୍ନରେ ଅଗ୍ନିବୀର ମାନେ ଆର୍ଟିଲିରି ସେଣ୍ଟରରେ ଅଭ୍ୟାସ କରୁଥିଲେ। ଏହି ଟ୍ରେନିଂ ସମୟରେ ଗୁଳି ଚଳାଇବା ସମୟରେ ହଠାତ୍ ବିସ୍ଫୋରଣ ଘଟିଥିଲା। ଏହା ଆର୍ଟିଲିରି ସେଣ୍ଟରରେ ଉତ୍ତେଜନା ସୃଷ୍ଟି କରିଥିଲା।
