ନୂଆଦିଲ୍ଲୀ,୨୯।୬: ଦିଲ୍ଲୀରେ ଦୁଇ ଜଣ ବୃଦ୍ଧଙ୍କର କରୋନାରେ ମୃତ୍ୟୁ ଘଟିଛି। ଦୁହେଁ ପୂର୍ବରୁ ହସ୍ପିଟାଲରେ ଅନ୍ୟ ଗୁରୁତର ରୋଗ ପାଇଁ ଚିକିତ୍ସାଧୀନ ଥିଲେ। ଚିକିତ୍ସା ସମୟରେ ସଂକ୍ରମିତ ହେବା ପରେ ସେମାନଙ୍କ ଅବସ୍ଥା ଗୁରୁତର ହୋଇପଡ଼ିଥିଲା।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଶନିବାର ଦିଲ୍ଲୀରେ ଜଣେ ୭୩ ବର୍ଷୀୟ ବ୍ୟକ୍ତିଙ୍କ ମୃତ୍ୟୁ ଘଟିଛି। ସେ ପୂର୍ବରୁ ମେଟାଷ୍ଟାଟିକ୍ ଫୁସଫୁସ କର୍ସିନୋମା, ଆକ୍ୟୁଟ ରେସପାରଟରୀ ଡିଷ୍ଟେ୍ରସ୍ ସିଣ୍ଡ୍ରୋମ, ବି/ଏଲ ନିମୋନିଆ, ଉଚ୍ଚ ରକ୍ତଚାପରେ ପୀଡିତ ଥିଲେ। ସେଭଳି ଦ୍ୱିତୀୟ ରୋଗୀ ଜଣକ ଥିଲେ ଜଣେ ୭୬ ବର୍ଷୀୟ ବ୍ୟକ୍ତି। ତାଙ୍କୁ ପୂର୍ବରୁ ସେପ୍ଟିସେମିଆ ସହିତ ସେପ୍ଟିସେମିଆ, ମଲ୍ଟିପଲ୍ ଅର୍ଗାନ ଡିସଫଙ୍କସନ୍ ସିଣ୍ଡ୍ରୋମ, ସିଭିୟର ନିମୋନିଆ, ଡିଏମ୍, ଉଚ୍ଚ ରକ୍ତଚାପ ଏବଂ ହୃଦରୋଗ ସମସ୍ୟା ହୋଇଥିଲା। ଚିକିତ୍ସା ସମୟରେ ଉଭୟଙ୍କୁ କରୋନା ସଂକ୍ରମଣ ହୋଇଥିଲା ଏବଂ ସେମାନଙ୍କ ଅବସ୍ଥା ଗୁରୁତର ହେବା ପରେ ଉଭୟଙ୍କ ମୃତ୍ୟୁ ହୋଇଥିଲା।
ସୂଚନା ଅନୁଯାୟୀ, ଦିଲ୍ଲୀରେ ସକ୍ରିୟ କରୋନା ରୋଗୀଙ୍କ ସଂଖ୍ୟା ୨୬୭। ଏଥିମଧ୍ୟରୁ ଶନିବାର ୪୪ ଜଣ ନୂତନ ରୋଗୀ ମିଳିଛନ୍ତି। ଜାନୁଆରୀ ୧ ତାରିଖରୁ ଦିଲ୍ଲୀରେ ୩୫୩୩ ଜଣ କରୋନା ରୋଗୀ ସୁସ୍ଥ ହୋଇଛନ୍ତି। ଏଥିମଧ୍ୟରୁ ଶନିବାର ୫୯ ଜଣ ରୋଗୀ ସୁସ୍ଥ ହୋଇଛନ୍ତି। ଏପର୍ଯ୍ୟନ୍ତ ଦିଲ୍ଲୀରେ କରୋନା ଯୋଗୁଁ ୨୧ ଜଣ ରୋଗୀଙ୍କ ମୃତ୍ୟୁ ହୋଇଛି। ଡାକ୍ତରମାନେ କହିଛନ୍ତି ଯେ କିଛି ସମୟ ଧରି ଦିଲ୍ଲୀରେ କରୋନା ରୋଗୀ ଦ୍ରୁତ ଗତିରେ ସୁସ୍ଥ ହେଉଛନ୍ତି।
