ନୂଆଦିଲ୍ଲୀ,୧୯/୦୪; ବୈଶାଖୀରେ ଅଘଟଣ । ଶ୍ରଦ୍ଧାଳୁଙ୍କ ଉପରକୁ ଆଖିବୁଜା ଗୁଳିମାଡ଼ । ଇଟାଲୀର ବେରଗାମୋ ପ୍ରଦେଶର କୋଭା ସହରରେ ବୈଶାଶୀ ଉତ୍ସବରେ ଶୋକାକୁଳ ପରିବେଶ ସୃଷ୍ଟି ହୋଇଛି । ଗୁରୁଦ୍ୱାର ବାହାରେ ଫାୟାରି ହୋଇଛି । ଦୁଇ ଭାରତୀୟଙ୍କୁ ଗୁଳି କରି ହତ୍ୟା । ଗୁରୁଦ୍ୱାରାରୁ ବାହାରିବା ସମୟରେ ୨ ଜଣଙ୍କ ଉପରକୁ ଗୁଳମାଡ଼ କରିଥିଲା ଆତତାୟୀ । ଘଟଣାରେ ଜଣେ ଅଳ୍ପକେ ବର୍ତ୍ତି ଯାଇଛନ୍ତି । ଫେରାର ଆକ୍ରମଣକାରୀକୁ ଖୋଜୁଛି ପୁଲିସ ।
ଇଟାଲୀୟ ସ୍ଥାନୀୟ ଗଣମାଧ୍ୟମ ରବିବାର ଦିନ ରିପୋର୍ଟ କରିଛି ଯେ, ଶୁକ୍ରବାର ମଧ୍ୟରାତ୍ରି ପୂର୍ବରୁ ଏହି ଆକ୍ରମଣ ଘଟିଥିଲା । ଲା ସିସିଲିଆ ଖବରକାଗଜ ଅନୁଯାୟୀ, ସହରର ଶିଳ୍ପାଞ୍ଚଳରେ ଥିବା ଗୁରୁଦ୍ୱାର ମାତା ସାହିବ କୌର ଜୀଙ୍କ ସାମ୍ନା ଛକରେ ଏହି ଘଟଣା ଘଟିଛି । ମୃତକଙ୍କ ନାମ କୋଭୋର ବାସିନ୍ଦା ରଗିନ୍ଦର ସିଂହ (୪୮) ଏବଂ ଆଗ୍ନାଡେଲୋର ବାସିନ୍ଦା ଗୁରମିତ୍ ସିଂହ (୪୮) । ସ୍ଥାନୀୟ ପୁଲିସ ଏହାକୁ ଏକ ପୂର୍ବ ଯୋଜନାବଦ୍ଧ ହତ୍ୟାକାଣ୍ଡ ବୋଲି ସନ୍ଦେହ କରୁଛି । ଘଟଣାସ୍ଥଳରୁ ପ୍ରାୟ ୧୦ଟି ଗୁଳି ଖୋକା ଜବତ କରାଯାଇଛି । ଜଣେ ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ଆତତାୟୀ ଜଣକ ଜଣେ ଭାରତୀୟ ଏବଂ ସେ ମଧ୍ୟ ସେହି ଗୁରୁଦ୍ୱାରକୁ ନିୟମିତ ଆସୁଥିଲେ । ଗୁଳି ଚଳାଇବା ପରେ ଅଭିଯୁକ୍ତ ଜଣକ ଏକ କାର୍ ସାହାଯ୍ୟରେ ଘଟଣାସ୍ଥଳରୁ ଫେରାର ହୋଇଯାଇଛି ।
ଏହା ବି ପଢନ୍ତୁ...'ତୁମେ କ୍ଲିୟରାନ୍ସ ଦେଲ, ଏବେ ଗୁଳି ଚଳାଉଛ'; ହୋର୍ମୁଜରେ ଫସିଥିବା ଭାରତୀୟ ଜାହାଜ ଇରାନକୁ ପଠାଇଲା ଅଡ଼ିଓ
କିପରି ଘଟଣାଟି ଘଟିଥିଲା- ରିପୋର୍ଟ ଅନୁଯାୟୀ, ଆକ୍ରମଣକାରୀ ସେହି ଲୋକଙ୍କ ପାଖକୁ ଯାଇ ଗୁଳି ଚଳାଇଥିଲା ଏବଂ ତା’ପରେ ତାଙ୍କ କାରରେ ପଳାଇ ଯାଇଥିଲା । ପ୍ରାଥମିକ ତଦନ୍ତରୁ ହଠାତ୍ ଝଗଡ଼ା ହେବାର ସମ୍ଭାବନାକୁ ଖାରଜ କରାଯାଇଛି ଯାହା ହିଂସାରେ ପରିଣତ ହୋଇଥିଲା । ରିପୋର୍ଟରେ କୁହାଯାଇଛି ଯେ, ତଦନ୍ତକାରୀମାନେ ପୂର୍ବ ଯୋଜନାବଦ୍ଧ ହତ୍ୟା" ଦିଗ ଉପରେ କାମ କରୁଛନ୍ତି । ଘଟଣାସ୍ଥଳରୁ ପ୍ରାୟ ଦଶଟି ଖାଲି କାର୍ଟ୍ରିଜ୍ ଉଦ୍ଧାର କରାଯାଇଛି । ଜଣେ ପ୍ରତ୍ୟକ୍ଷଦର୍ଶୀ ସାମ୍ବାଦିକମାନଙ୍କୁ କହିଛନ୍ତି ଯେ, ଗୁଳି ଚଳାଇଥିବା ବ୍ୟକ୍ତି ମଧ୍ୟ "ଜଣେ ଭାରତୀୟ" ଥିଲେ ଯିଏ ସେହି ଗୁରୁଦ୍ୱାରକୁ ବାରମ୍ବାର ଯାଉଥିଲେ । ପ୍ରତ୍ୟକ୍ଷଦର୍ଶୀଙ୍କ ଅନୁସାରେ, ଗୁଳିରେ ତୃତୀୟ ବ୍ୟକ୍ତି ମଧ୍ୟ ଆହତ ହୋଇଛନ୍ତି । ଶନିବାର, ନିକଟସ୍ଥ ସ୍ଥାନୀୟ ଅନୁଷ୍ଠାନଗୁଡ଼ିକ ସହିତ ବୈଶାଖୀର ଏକ ସରକାରୀ ଉତ୍ସବର ଯୋଜନା କରାଯାଇଥିଲା ।
ସାଧାରଣତଃ ବୈଶାଖୀ ପର୍ବ ପାଇଁ ସ୍ଥାନୀୟ ପ୍ରଶାସନ ପକ୍ଷରୁ ଏକ ବଡ଼ ଧରଣର କାର୍ୟ୍ୟକ୍ରମ ଆୟୋଜନ କରାଯିବାର ଥିଲା । ମାତ୍ର ଏହି ଦୁଃଖଦ ଘଟଣା ସ୍ଥାନୀୟ ଭାରତୀୟ ସମ୍ପ୍ରଦାୟ ମଧ୍ୟରେ ଶୋକ ଓ ଭୟର ଛାୟା ଖେଳାଇ ଦେଇଛି । ଇଟାଲୀ ପୁଲିସ ମାମଲାର ଛାନଭିନ୍ ଜାରି ରଖିଛି।
