ଦାରିଙ୍ଗବାଡ଼ି,୨୮/୫ : ଗାଡ଼ିରେ ବେଲୁନ ଥିବା ଯୋଗୁଁ ବଞ୍ଚିଗଲା ୨ଯାତ୍ରୀଙ୍କ ଜୀବନ । ଦାରିଙ୍ଗବାଡ଼ି ଥାନା ଅନ୍ତର୍ଗତ ୫୯ନମ୍ୱର ଜାତୀୟ ରାଜପଥସ୍ଥିତ ବୁଡ଼ାଗୁଡ଼ା ଛକ ନିକଟ ବୁଲାଣିରେ ଘଟିଛି ଏଭଳି ଘଟଣା । ଏକ ସଫାରୀ କାର୍ ଦାରିଙ୍ଗବାଡ଼ିଠାରୁ ବାଲିଗୁଡ଼ା ଅଞ୍ଚଳକୁ ଯିବା ସମୟରେ ବୁଡ଼ାଗୁଡ଼ା ଛକ ନିକଟ ଏକ ବୁଲାଣିରେ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲା । ଏହି ଦୁର୍ଘଟଣାରେ ୨ଜଣ ଗୁରୁତର ହୋଇ ବାଲିଗୁଡା ମେଡ଼ିକାଲକୁ ଚିକିତ୍ସା ଲାଗି ଯାଇଥିଲେ ।
ସୂଚନା ଅନୁସାରେ, ବୁଲାଣିରେ ଗାଡ଼ିଟି ବୁଲାଉଥିବା ସମୟରେ ହଠାତ୍ ଭାରସାମ୍ୟ ହରାଇଥିଲା । ଫଳରେ ପ୍ରଥମେ ଏକ ବୃହତ୍ ଶାଳ ଗଛରେ ଯାଇ ଧକ୍କା ହୋଇ ଏକ ଖାଲକୁ ଖସି ଯାଇଥିଲା । ଗାଡ଼ିରେ ଥିବା ବେଲୁନ ବାହାରି ଯାଇଥିବାରୁ ଗାଡ଼ିରେ ବସିଥିବା ୨ ଜଣ ଅଳ୍ପକେ ମୃତ୍ୟୁ ମୁଖରୁ ବର୍ତ୍ତି ଯାଇଥିଲେ ।
