ଭୁବନେଶ୍ୱର,୦୫/୦୩: ଖେଳିବାକୁ ଯାଇ ଘରକୁ ଫେରିଲେନି ଦୁଇ ସାଙ୍ଗ । ଗାଁ ପାଖ ପୋଖରୀରୁ ମିଳିଲା ମୃତଦେହ । ମୃତ ନାବାଳକ ଦ୍ୱୟ ଦୁର୍ଗା ପ୍ରସାଦ ମହାପାତ୍ର ,ଦିପାଂଶୁ ମହାପାତ୍ର ବୋଲି ଜଣାପଡ଼ିଛି । ଉଭୟ ଷଷ୍ଠ ଶ୍ରେଣୀରେ ପାଠ ପଢୁଥିଲେ । କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ଅଞ୍ଚଳର ମହାକାଳପଡ଼ା ବାନ୍ଧକୁଦ ଗାଁରେ ଏଭଳି ଦୁଃଖଦ ଘଟଣା ଘଟିଛି ।
ପୂର୍ବ ଶତ୍ରୁତାକୁ ନେଇ ଦୁଇ ପରିବାର ମୁହାଁମୁହିଁ: ଜଣେ ମୃତ, ୪ ଗୁରୁତର
ସୂଚନା ମୁତାବକ, ମଙ୍ଗଳବାର ଅପରାହ୍ନ ୪ଟା ବେଳେ ଦୁର୍ଗା ପ୍ରସାଦ ମହାପାତ୍ର ଏବଂ ଦିପାଂଶୁ ମହାପାତ୍ର ଖେଳିବା ପାଇଁ ଯାଇଥିଲେ । ହେଲେ ଆଉ ଘରକୁ ଫେରି ନଥିଲେ । ଘରକୁ ନଫେରିବାରୁ ରାତିରେ ଖୋଜା ଖୋଜି କରିଥିଲେ ଉଭୟଙ୍କ ପରିବାର ଲୋକେ । ପରେ ବ୍ରାହ୍ମଣୀ ମନ୍ଦିର ପାଖ ପୋଖରୀରେ ଜଣଙ୍କର ମୃତଦେହ ଭାସୁଥିବାର ଦେଖିଥିଲେ । ଏହା ଦେଖି ତାଙ୍କୁ ପାଣିରୁ ଉଦ୍ଧାର କରି ସେହି ସ୍ଥାନରେ ଖୋଜା ଖୋଜି କରିଥିଲେ । ପରେ ଆଉ ଜଣଙ୍କ ମୃତଦେହ ପାଣିରୁ ଉଦ୍ଧାର କରିଥିଲେ ଗାଁଲୋକେ । ଉଭୟଙ୍କୁ ପୋଖରୀରୁ ଉଦ୍ଧାର କରି ନିକଟସ୍ଥ ଡାକ୍ତରଖାନାକୁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ଖବର ପାଇବା ପରେ ସ୍ଥାନୀୟ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ଏହି ଘଟଣା ପରେ ଗାଁରେ ଶୋକର ଛାୟା ଖେଳିଯାଇଛି ।
