ନୂଆଦିଲ୍ଲୀ,୧୪/୧୨ : ମୋବିଲିଟି ଆପ୍‌ ଉବରର ବଡ଼ ପଦକ୍ଷେପ । ମହିଳା ଯାତ୍ରୀଙ୍କ ସୁରକ୍ଷା ପାଇଁ ସେମାନଙ୍କ ଯୋଡ଼ି ହେବେ ମହିଳା ଡ୍ରାଇଭର। କର୍ଣ୍ଣାଟକର କ୍ୟାପିଟାଲ ସିଟି ବେଙ୍ଗାଲୁରୁରେ ଉବର ଆରମ୍ଭ କରିଛି  'ଉବର ମୋଟୋ ୱିମେନ' ସେବା  । ଯେଉଁଥିରେ ମହିଳା ଡ୍ରାଇଭରମାନଙ୍କ ଜରିଆରେ ଯାତ୍ରୀମାନଙ୍କୁ ଏକ ସୁରକ୍ଷିତ, ସୁଲଭ ଓ ସୁବିଧାଜନକ ଯାତ୍ରା ମିଳିପାରିବ । 

ବେଙ୍ଗାଲୁରୁର ପ୍ରମୁଖ ସ୍ଥାନଗୁଡ଼ିକରେ ଏହି ଉବର ମୋଟୋ ୱିମେନ ସେବା ଉପଲବ୍ଧ ରହିଛି । ଯାହାକି ମହିଳା ଡ୍ରାଇଭରଙ୍କ ସମେତ ମହିଳା ଯାତ୍ରୀଙ୍କ ଲାଗି ଏକ ପ୍ରାଇଭେସି ଓ ସୁରକ୍ଷିତ ଯାତ୍ରାକୁ ନିଶ୍ଚିତ କରେ । ଉବର ମୋଟୋ ୱିମେନ ଦ୍ବାରା ଯାତ୍ରା କରିବା ସମୟରେ ମହିଳା ଯାତ୍ରୀ ରିଅଲ ଟାଇମ ଟ୍ରାକିଂ ଲାଗି ୫ଜଣ ବିଶ୍ବସନୀୟ କଣ୍ଟାକ୍ଟସ ସହିତ ଟ୍ରିପ୍‌ ଡିଟେଲ୍‌ ସେୟାର କରିପାରିବେ ।  ଏହା ସହିତ ଉଭୟ ମହିଳା ଆରୋହୀ ଏବଂ ଡ୍ରାଇଭରମାନେ ପ୍ରାଥମିକ ସହାୟତା ପାଇଁ ଉବରର 24x7 ସୁରକ୍ଷା ହେଲପ୍‌ ଲାଇନର ସହାୟତା ନେଇପାରିବେ । ଭାରତର ରାଇଡ ହେଲିଂ କ୍ଷେତ୍ରରେ ମହିଳାଙ୍କ ଅଂଶଗ୍ରହଣ ଏପର୍ଯ୍ୟନ୍ତ କମ୍ ଥିବାରୁ କମ୍ପାନୀ 'ଉବର ମୋଟୋ ୱିମେନ' ପାଇଁ ଅଧିକ ମହିଳାଙ୍କୁ ଡ୍ରାଇଭର ଭାବରେ ପ୍ଲାଟଫର୍ମରେ ସାମିଲ ହେବାକୁ ପ୍ରେରଣା ଯୋଗାଇବା ପାଇଁ ଲକ୍ଷ୍ୟ  ରଖିଛି।  କମ୍ପାନୀ ଏହି ସେବାକୁ  ଖୁବଶୀଘ୍ର କମ୍ପାନୀ ଏହି ସେବାକୁ ଦେଶର ଅନ୍ୟ ପ୍ରମୁଖ ସହର ଦିଲ୍ଲୀ, ମୁମ୍ବାଇ, କୋଲକାତା, ଚେନ୍ନାଇ ଓ ହାଇଦ୍ରାବାଦରେ ମଧ୍ୟ ଆରମ୍ଭ କରିବାକୁ ଲକ୍ଷ୍ୟ ରଖିଛି । ସେହିପରି ଭାରତରେ ଅନେକ ସରକାର ଓ ଅଣଲାଭକାରୀ ସଂସ୍ଥା ପକ୍ଷରୁ ମହିଳା ରାଇଡ୍ ସେବା ମଧ୍ୟ ପ୍ରଦାନ କରାଯାଉଛି ।