ନୂଆଦିଲ୍ଲୀ: ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ (ୟୁପିଆଇ) ଡାଉନ୍ । ଗୁରୁବାର ୟୁପିଆଇ ଡାଉନ୍ ହୋଇଥିବା କୁହାଯାଉଛି । ଫଳରେ ଅନେକ ଭାରତୀୟ ୟୁଜର ପେମେଣ୍ଟ କରିବାରେ ଅସୁବିଧାର ସମ୍ମୁଖୀନ ହୋଇଛନ୍ତି । ଚଳିତବର୍ଷ ଚତୁର୍ଥ ଥର ପାଇଁ ୟୁପିଆଇ ଡାଉନ୍ ହୋଇଛି । ଆଜି ରାତି ୭.୪୫ରେ ଗୁଗୁଲ ପେ’, ଫୋନ୍ ପେ,ପେଟିଏମ ଭଳି ପ୍ରମୁଖ ପେମେଣ୍ଟ ପ୍ଲାଟଫର୍ମରେ ଟ୍ରାଞ୍ଜାକ୍ସନ ବାଧାପ୍ରାପ୍ତ ହୋଇଛି ।
ରାତି ୮.୩୦ ସୁଦ୍ଧା ଏନେଇ ୨୧୪୭ଟି ଅଭିଯୋଗ ପଞ୍ଜିକୃତ ହୋଇଛି । ଡାଉନ ଡିଟେକ୍ଟରର ଡାଟା ଅନୁସାରେ, ୮୦ ପ୍ରତିଶତ ଅଭିଯୋଗ ପେମେଣ୍ଟରେ ଅସୁବିଧା ନେଇ ହୋଇଛି । ଏଚଡିଏଫସି, ଏସବିଆଇ, ବ୍ୟାଙ୍କ ଅଫ ବରୋଦା ଏବଂ କୋଟାକ ମହିନ୍ଦ୍ରା ବ୍ୟାଙ୍କ ଭଳି ପ୍ରମୁଖ ବ୍ୟାଙ୍କରେ ଟ୍ରାଞ୍ଜାକ୍ସନ ବାଧାପ୍ରାପ୍ତ ହୋଇଛି ।
ରିପୋର୍ଟ ଅନୁସାରେ, ୨୦୨୪ରେ ୬୫ ପ୍ରତିଶତ ନେଣଦେଣ ଅନଲାଇନ୍ ପ୍ଲାଟଫର୍ମରେ ହୋଇଛି । ଛୋଟ କିମ୍ବାମ ମଧ୍ୟମ ଧରଣର ଟ୍ରାଞ୍ଜାକ୍ସନ ଲାଗି ଲୋକେ ଏହି ସବୁ ପ୍ଲାଟଫର୍ମର ବହୁଳ ବ୍ୟବହାର କରୁଛନ୍ତି। ପେମେଣ୍ଟ ପ୍ଲାଟଫର୍ମଗୁଡ଼ିକର ଲୋକପ୍ରିୟତା ବୃଦ୍ଧି ପାଉଥିବା ବେଳେ ସର୍ଭର ଡାଉନ୍ ଚିନ୍ତାର କାରଣ ପାଲଟିଛି । ଏଭଳି ସମସ୍ୟା ବିଭିନ୍ନ ସମୟରେ ଦେଖିବାକୁ ମିଳୁଛି ।
