ନୂଆଦିଲ୍ଲୀ, ୨୪।୩: ଇସ୍ରାଏଲ ଏବଂ ହମାସ ମଧ୍ୟରେ ପ୍ରାୟ ୬ ସପ୍ତାହ ଧରି ଚାଲିଥିଲା ଯୁଦ୍ଧ । ଇସ୍ରାଏଲ ଆକ୍ରମଣରେ ଗାଜାରେ ପୁଣି ୫୧ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ଆକ୍ରମଣରେ ଇସ୍ରାଏଲୀ କମାଣ୍ଡର ମଧ୍ୟ ନିହତ ହୋଇଛନ୍ତି । ଇସ୍ରାଏଲ ହମାସ ଯୁଦ୍ଧରେ ଏ ପର୍ଯ୍ୟନ୍ତ ୫୦ ହଜାରରୁ ଅଧିକ ପାଲେଷ୍ଟାନୀୟ ପ୍ରାଣ ହରାଇଥିବା ଜଣାପଡ଼ିଛି । ଏହା ବ୍ୟତୀତ ଆହତ ୧ ଲକ୍ଷ ୧୩ ହଜାରରୁ ଅଧିକ ଲୋକ ହୋଇଛନ୍ତି । ସଂଘର୍ଷରେ ଏ ପର୍ଯ୍ୟନ୍ତ ୫୦ ହଜାର ପାଲେଷ୍ଟାଇନୀୟଙ୍କ ମୃତ୍ୟୁ ହେଲାଣି ।
ଇସ୍ରାଏଲ ଏବଂ ହମାସ ମଧ୍ୟରେ ଯୁଦ୍ଧ ଚାଲିଥିବା ସମୟରେ ଇସ୍ରାଏଲ ଶହ ଶହ ପାଲେଷ୍ଟିନୀୟ ବନ୍ଦୀଙ୍କୁ ମୁକ୍ତ କରିଥିଲା । ହମାସ ମଧ୍ୟ ୧୫୦ ବନ୍ଧକଙ୍କୁ ମୁକ୍ତ କରିଥିଲା । ୭ ଅକ୍ଟୋବର ୨୦୨୩ରେ ଏହି ଲୋକମାନଙ୍କୁ ହମାସ ଅପହରଣ କରିଥିଲା । ସେବେଠାରୁ ତାଙ୍କୁ ବନ୍ଧକ ରଖାଯାଇଥିଲା । ପ୍ରାୟ ୬୦ ଜଣ ବନ୍ଧକ ଏବେ ବି ହମାସ ପାଖରେ ଥିବା ରିପୋର୍ଟରେ କୁହାଯାଇଛି । କିନ୍ତୁ, ଯେତେବେଳେ ଯୁଦ୍ଧ ବିରତି ବୃଦ୍ଧି କରିବା ନେଇ କୌଣସି ହମତି ହୋଇନଥିଲା, ଇସ୍ରାଏଲ ପୁଣି ଥରେ ଆକ୍ରମଣକୁ ତୀବ୍ର କରିଥିଲା । ଗତ ୩ରୁ ୪ ଦିନ ମଧ୍ୟରେ ଇସ୍ରାଏଲ ଗାଜା ଉପରେ ଭୟଙ୍କର ଆକ୍ରମଣ ଜାରି ରଖିଛି । ଯେଉଁଥିରେ ୫୦୦ରୁ ଉର୍ଦ୍ଧ୍ୱ ଲୋକଙ୍କର ମୃତ୍ୟୁ ହୋଇଛି । ରବିବାର ପୁଣି ଗାଜା ଉପରେ ଏୟାରଷ୍ଟ୍ରାଇକ କରିଥିଲା ଇସ୍ରାଏଲ । ଯେଉଁଥିରେ ୫୧ ଜଣଙ୍କର ମୃତ୍ୟୁ ହୋଇଥିଲା । ଏହି ଆକ୍ରମଣରେ ଜଣେ ଶୀର୍ଷ ଇସ୍ରାଏଲୀ କମାଣ୍ଡର ମଧ୍ୟ ନିହତ ହୋଇଛନ୍ତି ।
ଏ ପର୍ଯ୍ୟନ୍ତ ମିଳିଥିବା ସୂଚନାନୁସାରେ, ରବିବାର ଇସ୍ରାଏଲୀ ଆକ୍ରମଣରେ ୫୧ ଜଣଙ୍କର ମୃତ୍ୟୁ ହୋଇଥିବା ବେଳେ ସେଥିମଧ୍ୟରୁ ଜଣେ ଇସ୍ରାଏଲୀ ରାଜନୈତିକ ଶାଖାର ସଦସ୍ୟ ଇସମାଇଲ ବାରହୋମ । ସେ ଖାନ ୟୁନିସ ସହରର ନାସିର ହସ୍ପିଟାଲରେ ଚିକିତ୍ସାଧିନ ଥିଲେ । ଏହି ସମୟରେ ଇସ୍ରାଅଲ ଆକ୍ରମଣ କରିଥିଲା, ଯେଉଁଥିରେ ସେ ନିହତ ହୋଇଥିଲେ । ଏହା ବ୍ୟତୀତ ଇସ୍ରାଏଲ ଲେବାନନରେ ମଧ୍ୟ ଆକ୍ରମଣ କରିଛି, ଯେଉଁଥିରେ ୮ ଜଣଙ୍କର ମୃତ୍ୟୁ ହୋଇଛି । ଲେବାନନରେ ସକ୍ରିୟ ଥିବା ଏକ ଆତଙ୍କବାଦୀ ସଙ୍ଗଠନ ହିଜବୋଲା ଇସ୍ରାଏଲୀ ଆକ୍ରମଣକୁ ଅସ୍ୱୀକାର କରିଛି । ପ୍ରାୟ ଦେଢ଼ ବର୍ଷ ଧରି ଏକାକୀ ହମାସ ସହିତ ଲଢ଼ିବା ପରେ ଇସ୍ରାଏଲ ମଧ୍ୟ ଗତ ୪ ବର୍ଷ ଧରି ହିଜବୋଲାକୁ ଟାର୍ଗେଟ କରିଆସୁଛି ।
