ୱାଶିଂଟନ : ତୁର୍କୀକୁ ୩୦୪ ମିଲିୟନ ଡଲାରର ମିସାଇଲ ବିକ୍ରି କରିବାକୁ ଆମେରିକା ଦେଇଛି ଅନୁମୋଦନ। ଏହି ପଦକ୍ଷେପ ନାଟୋ ସହଯୋଗୀ ବ୍ୟାପାର ଓ ପ୍ରତିରକ୍ଷା ସମ୍ୱନ୍ଧକୁ ମଜବୁତ କରିବାର ଉଦ୍ଦେଶ୍ୟରେ ନିଆ ଯାଇଛି। ନିକଟବର୍ତ୍ତୀ ସମୟରେ ଯେବେ ଭାରତ ଓ ପାକିସ୍ତାନ ମଧ୍ୟରେ ସମ୍ୱନ୍ଧ ଖୁବ୍‌ ଉତ୍ତେଜନାପୂର୍ଣ୍ଣ ହୋଇଥିଲା, ସେତେବେଳେ ତୁର୍କୀ ହିଁ ପାକିସ୍ତାନକୁ ସାହାଯ୍ୟ କରିଥିଲା। ସେ କେବଳ ୩୫୦ରୁ ଅଧିକ ତୁର୍କୀ ଡ୍ରୋନ୍‌ ପାକିସ୍ତାନକୁ ଦେଇ ନଥିଲା, ବରଂ ସେସବୁକୁ ଅପରେଟ୍ କରିବା ପାଇଁ ମିଲିଟାରୀ ଅପରେଟିଭ୍‌ଙ୍କୁ ମଧ୍ୟ ପଠାଇ ଥିଲା। ଏହାପର ଠାରୁ ତୁର୍କୀ ଓ ଭାରତ ସମ୍ୱନ୍ଧ ମଧ୍ୟ ଖରାପ ହେବାରେ ଲାଗିଛି ଏବଂ ଭାରତର ଲୋକେ ତାକୁ ଏକ ଶତ୍ରୁ ଦେଶ ପରି ମନେ କଲେଣି। ଏଥିରେ ପ୍ରଶ୍ନ ଉଠିବାରେ ଲାଗିଛି ଯେ , ଆମେରିକା କଣ ଡବଲ ଗେମ୍‌ ଖେଳୁଛି। ଗୋଟେ ପଟେ ସେ ଭାରତ ସହ ଭଲ ସଂପର୍କର କଥାବାର୍ତ୍ତା କରୁଥିବା ବେଳେ ଅନ୍ୟପଟେ ପାକିସ୍ତାନକୁ ସାହାଯ୍ୟ କରୁଥିବା ତୁର୍କୀକୁ ମଧ୍ୟ ଅସ୍ତ୍ରଶସ୍ତ୍ର ଦେବାରେ ପଛକୁ ହଟୁ ନାହିଁ।

ଆମେରିକା ଓ ତୁର୍କୀ ମଧ୍ୟରେ ଅସ୍ତ୍ରଶସ୍ତ୍ରର ଏହି ଚୁକ୍ତି ଏମିତି ସମୟରେ ହୋଇଛି, ଯେବେ ଆମେରିକୀୟ ବିଦେଶ ମନ୍ତ୍ରୀ ମାର୍କୋ ରୁବିୟୋ ଗୁରୁବାର ନାଟୋ ବିଦେଶ ମନ୍ତ୍ରୀଙ୍କ ବୈଠକରେ ଭାଗ ନେବା ପାଇଁ ତୁର୍କୀ ଯାଇଥିଲେ। ହେଲେ, ଏବେ ଏହି ଚୁକ୍ତିରେ ଆମେରିକୀୟ କଂଗ୍ରେସର ମଞ୍ଜୁରୀର ଆବଶ୍ୟକ ରହିଛି। ରୁବିଓଙ୍କର ଆଗାମୀ ଦିନ ଯୁଦ୍ଧ ବିରତି ବିଷୟରେ ରୁଷୀୟ ଓ ୟୁକ୍ରେନୀ ଅଧିକାରୀଙ୍କ ମଧ୍ୟରେ ସମ୍ଭାବିତ ବାର୍ତ୍ତା ପାଇଁ ଇସ୍ତାନବୁଲ ଯିବାର ଇଚ୍ଛା ରହିଛି। ପ୍ରତିରକ୍ଷା ସୁରକ୍ଷା ସହଯୋଗ ଏଜେନ୍ସି କହିଛି ଯେ, ତୁର୍କୀ ୨୨୫ ମିଲିୟନ ଡଲାରର ଆନୁମାନିକ ମୂଲ୍ୟରେ ୫୩ ଆଡଭାନ୍ସ ମଧ୍ୟମ ଦୂରତାରେ ଏୟାରରୁ ଏୟାର ନିକ୍ଷେପ କରାଯାଉଥିବା ମିସାଇଲ ଓ ୭୯.୧ ମିଲିୟନ ଡଲାରର ମୂଲ୍ୟରେ ୬୦ ବ୍ଲକ୍ ll ମିସାଇଲ ପାଇଁ ଅନୁରୋଧ କରିଛି। ଆରଟିଏକ୍ସ କର୍ପୋରେସନ ବିକ୍ରି ପାଇଁ ମୁଖ୍ୟ ଠିକାଦାର ହେବ।

ତୁର୍କୀର ରାଷ୍ଟ୍ରପତି ରେସେପ୍‌ ତୟପ ଏର୍ଦୋଗନ , ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଏକ ବୈଠକ କରିବାକୁ ଅପେକ୍ଷା କରିଛନ୍ତି , ଯାହାକି ଅଙ୍କାରା ଦ୍ୱାରା ରୁଷୀୟ ମିସାଇଲ-ପ୍ରତିରକ୍ଷା ସିଷ୍ଟମର କ୍ରୟ ଓ ସିରିଆଇ କୁର୍ଦ ମିଲିସିଆ ପାଇଁ ୱାଶିଂଟନର ସମର୍ଥନରେ ଉତ୍ପନ୍ନ ଉତ୍ତେଜନାପୂର୍ଣ୍ଣ ସମ୍ୱନ୍ଧକୁ ପୁଣି ଥରେ ଉତ୍ତମ କରାଯାଇ ପାରିବ। ତୁର୍କୀ ଓ ଆମେରିକା ସମର୍ଥିତ କୁର୍ଦ ବାହିନୀ, ଯାହାଙ୍କ ସମ୍ୱନ୍ଧରେ ବିଚ୍ଛିନ୍ନତାବାଦୀ ତୁର୍କୀ ଗ୍ରୁପ୍‌ ପିକେକେ ଘୋଷଣା କରିଛି ଯେ, ସେ ତୁର୍କୀ ବିରୋଧରେ ସ୍ୱାୟତ୍ତତା ପାଇଁ ୪୦ ବର୍ଷର ଯୁଦ୍ଧର ଅନ୍ତ ଘଟାଇବାକୁ ନିଜର ଅସ୍ତ୍ର ରଖି ଦେବ। ଆମେରିକା ଓ ତୁର୍କୀ ନିକଟରେ ନାଟୋରେ ଦୁଇଟି ସବୁଠୁ ବଡ଼ ସେନା ରହିଛି।