ନୂଆଦିଲ୍ଲୀ: ପଶ୍ଚିମ ଏସିଆରେ ଗତ ତିନି ମାସ ଧରି ଚାଲିଥିବା ସଂଘର୍ଷ ଏବଂ ଉତ୍ତେଜନାକୁ ସମ୍ପୂର୍ଣ୍ଣ ସମାପ୍ତ କରିବା ଏବଂ ଏକ ସ୍ଥାୟୀ ଶାନ୍ତି ପ୍ରତିଷ୍ଠା କରିବା ପାଇଁ ଆମେରିକା ଏବଂ ଇରାନ ମଧ୍ୟରେ ଏକ ଉଚ୍ଚସ୍ତରୀୟ ଆଲୋଚନା ଚାଲିଛି। ବର୍ତ୍ତମାନ ଉଭୟ ପକ୍ଷ ମଧ୍ୟରେ ଏକ ଯୁଦ୍ଧବିରତି ଜାରି ରହିଥିଲେ ମଧ୍ୟ, ସଂଘର୍ଷର ସମ୍ପୂର୍ଣ୍ଣ ବିରାମ ହୋଇନାହିଁ। ଏହି ସମୟରେ, ଆମେରିକା ଏବଂ ଇରାନ ପକ୍ଷ ମଧ୍ୟରେ ଏକ ସମ୍ଭାବ୍ୟ ଯୁଦ୍ଧବିରତି ସମ୍ପର୍କରେ ଆଲୋଚନା ଚାଲିଛି, ଯେଉଁଥିରେ ହର୍ମୁଜ୍ ପ୍ରଣାଳୀ ଏବଂ ପ୍ରାୟ ୩ ଶହ ବିଲିୟନ ଡଲାରର ଏକ ପ୍ରମୁଖ ପ୍ରସ୍ତାବିତ ନିବେଶ ପ୍ୟାକେଜ୍ ଅନ୍ତର୍ଭୁକ୍ତ।
ପ୍ରସ୍ତାବିତ ଚୁକ୍ତିନାମାର କିଛି ବିନ୍ଦୁ ଉପରେ ମତଭେଦ ରହିଛି...
ନ୍ୟୁୟର୍କ ଟାଇମ୍ସର ଏକ ରିପୋର୍ଟ ଅନୁଯାୟୀ, ଶାନ୍ତି ଆଲୋଚନାରେ ସାମିଲ ଅଧିକାରୀ ମାନେ ଏକ ନୂତନ ଡ୍ରାଫ୍ଟ ସ୍ମାରକପତ୍ର ଉପରେ ମଧ୍ୟ ଗମ୍ଭୀରତାର ସହ ଆଲୋଚନା କରୁଛନ୍ତି, ଯାହା ଉଭୟ ପକ୍ଷ ଦ୍ୱାରା ସହମତ ହେବାର ନିକଟତର ବୋଲି କୁହାଯାଉଛି। ତଥାପି, ଅନେକ ମୁଖ୍ୟ ସର୍ତ୍ତାବଳୀ ଉପରେ ମତଭେଦ ରହିଛି।
ଡ୍ରାଫ୍ଟ ଚୁକ୍ତିନାମାର ମୁଖ୍ୟ ବିନ୍ଦୁ ଗୁଡ଼ିକ କ’ଣ ?
ଏହି ପ୍ରସ୍ତାବିତ ଡ୍ରାଫ୍ଟ ଚୁକ୍ତିନାମା ଇରାନର ପରମାଣୁ କାର୍ଯ୍ୟକ୍ରମ, ଆମେରିକାର କଟକଣା, ଆଞ୍ଚଳିକ ସୁରକ୍ଷା ଏବଂ ଶତ୍ରୁତାର ଆନୁଷ୍ଠାନିକ ଅନ୍ତ ଉପରେ ବ୍ୟାପକ ଏବଂ କଷ୍ଟକର ଆଲୋଚନା ପାଇଁ ଏକ ପ୍ରାରମ୍ଭିକ ଢାଞ୍ଚା ଭାବରେ କାର୍ଯ୍ୟ କରିବ।
ତଥାପି,ଏହି ଚୁକ୍ତିନାମାର ସବୁଠାରୁ ଚର୍ଚ୍ଚିତ ଘଟଣା ଗୁଡ଼ିକ ମଧ୍ୟରୁ ଗୋଟିଏ ହେଉଛି ଏକ ପ୍ରସ୍ତାବିତ ବହୁ-ବିଲିୟନ ଡଲାରର ପୁନଃନିର୍ମାଣ ଏବଂ ନିବେଶ ପ୍ୟାକେଜ୍, ଯାହା ଏକ ଚୂଡ଼ାନ୍ତ ଚୁକ୍ତିନାମାରେ ପହଞ୍ଚିଲେ ଇରାନର ଅର୍ଥନୀତିକୁ ମୌଳିକ ଭାବରେ ପୁନଃଆକୃତି ଦେଇପାରିବ। ଆଲୋଚନାକାରୀ ମାନେ କହିଛନ୍ତି ଯେ ଉଭୟ ପକ୍ଷ ସାମ୍ପ୍ରତିକ ଦିନରେ ଆଲୋଚନାରେ ଅଗ୍ରଗତି କରିଛନ୍ତି, କିନ୍ତୁ ଡ୍ରାଫ୍ଟ ଚୁକ୍ତିନାମାକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଏପର୍ଯ୍ୟନ୍ତ ଅନୁମୋଦନ କରାଯାଇ ନାହିଁ ।
ଏହା ସହ ପଢନ୍ତୁ : ଏହି ଦେଶଙ୍କୁ ବରବାଦ କରିବାକୁ ଚାହୁଁଛି ଆମେରିକା; ଜାଣନ୍ତୁ ଟ୍ରମ୍ପଙ୍କ ରାଡାରରେ କିଏ?
