ନୂଆଦିଲ୍ଲୀ,୧୭।୧୦: ୟେମେନରେ ହୁତି ବିଦ୍ରୋହୀଙ୍କ ହତିଆର ଡିପୋ ଉପରେ ବୋମାମାଡ଼ କରି ସମ୍ପୂର୍ଣ୍ଣ ଧ୍ବଂସ କରି ଦେଇଛି ଆମେରିକା। ଏହି ଡିପୋ ମାଟି ତଳେ କଙ୍କ୍ରିଟ୍ ବଙ୍କରରେ ଥିଲା। ସେଠାରେ ସହଜରେ ପହଁଞ୍ଚିବା ସମ୍ଭବ ନଥିଲା। ସେତେବେଳେ ଆମେରିକା ନିଜର ଦୁଇ ଘାତକ ଅସ୍ତ୍ର ବାହାର କରିଥିଲା। ପ୍ରଥମଟି ହେଲା B-2 Nuclear Stealth Bomber ଓ ଏହାକୁ ଲୋଡ୍ କରିଥିଲା GBU-57 MOP ବମ୍ରେ।
GBU-57 Massive Ordnance Penetrator (GBU-57 MOP) ଏକ ପ୍ରୋସେଶନ୍ ଗାଇଡେଡ୍ ବମ୍। ଯାହାର ବ୍ୟବହାର ମାଟି ଭିତରେ ଥିବା ବଙ୍କରକୁ ଉଡାଇବା ପାଇଁ କରାଯାଇଥାଏ। ଏହାର ବ୍ୟବହାର ମାଟି ଭିତରେ ଥିବା ବଙ୍କରକୁ ଉଡାଇବା ପାଇଁ କରାଯାଇଥାଏ। ଏହାକୁ ବର୍ତ୍ତମାନ ବୋଇଂ କମ୍ପାନୀ ତିଆରି କରିଛି। ଏହି ବମ୍ର ଓଜନ ପ୍ରାୟ ୧୩୬୦୦ କିଲୋଗ୍ରାମ, ଯେଉଁଥିରେ ୨୪୦୦ କିଲୋଗ୍ରାମ ଓଜନର ବିସ୍ଫୋରକ ଭର୍ତ୍ତି କରାଯାଇଥାଏ।
ସାଢେ ୨୦ ଫୁଟ ଲମ୍ବା ଓ ପ୍ରାୟ ୩୦ ଇଞ୍ଚ ବ୍ୟାସ୍ ଥିବା ଏହି ବମ୍ ତିନୋଟି ଟେକ୍ନୋଲୋଜିରେ କାମ କରିଥାଏ। ପ୍ରଥମ ଟାର୍ଗେଟ ଅର୍ଥାତ ପ୍ରୋସେସନ୍ ଆଟାକ। ଯେଉଁଥିରେ ଲେଜର ଜରିଆରେ ଟାର୍ଗେଟ ଚିହ୍ନଟ କରାଯାଏ। ଲେଜର ଦେଖିବା ମାତ୍ରେ ବମ୍ ସେହି ଦିଗରେ ଆଗକୁ ବଢିଥାଏ। ଦ୍ବିତୀୟ ଗାଇଡେନ୍ସ ଏଥିରେ ବମ୍ର ଆଗାମୀ ଅଂଶ, ଯାହାକି ମଜବୁତ ଧାତୁରେ ତିଆରି ହୋଇଥାଏ, ଯାହାକି ମାଟିକୁ ଧସାଇ ଦେଇଥାଏ। ତୃତୀୟ ପେନେଟ୍ରେସନ୍, ଏଥିରେ ବଙ୍କର ବଷ୍ଟର ବମ୍ ନିଜର ଓଜନ, ମଜବୁତୀ ଓ ସ୍ଲେଣ୍ଡର ବଡିଶେପ୍ ଅର୍ଥାତ ଛୁଞ୍ଚି ଭଳି ସେପ୍ କାରଣରୁ ମାଟି ଭିତରଟୁ ୨୦୦ ଫୁଟ୍ ତଳକୁ ଚାଲିଯାଇଥାଏ। ଚତୁର୍ଥରେ ଏହାପରେ ଡିଲେ ଫ୍ୟୁଚ୍ ଏତେ ଚାପରେ ଆସିବା ପରେ ବିସ୍ଫୋରକୁ ନଷ୍ଟ କରିଥାଏ। ଫଳରେ ଭୟଙ୍କର ବିସ୍ଫୋରଣ ହୁଏ।
