ନୂଆଦିଲ୍ଲୀ : ଝାଳର ଦୁର୍ଗନ୍ଧରୁ ମୁକ୍ତି ପାଇବା ସହ ଏକ ଫ୍ରେସ୍ ଅନୁଭବ ପାଇଁ, ଅଧିକାଂଶ ଲୋକ ପରଫ୍ୟୁମ୍ ଲଗାଇବାକୁ ପସନ୍ଦ କରନ୍ତି। କିନ୍ତୁ ଆପଣ କଣ ଜାଣନ୍ତି, ଆପଣଙ୍କ ଦେହ ମନକୁ ମହକାଉ ଥିବା ପରଫ୍ୟୁମ୍ , ଅନେକ ସମୟରେ ଆପଣଙ୍କର ସ୍ୱାସ୍ଥ୍ୟ ପାଇଁ ବିପଦ ସୃଷ୍ଟି କରିପାରେ।
ବିଶେଷଜ୍ଞଙ୍କ ଅନୁସାରେ, ପରଫ୍ୟୁମ୍କୁ ତିଆର କରିବା ସହ ଏହାର ବାସ୍ନାକୁ ଦୀର୍ଘ ସମୟ ଯାଏ ବଜାୟ ରଖିବା ପାଇଁ କମ୍ପାନୀମାନେ ଅନେକ ପ୍ରକାରର ରାସାୟନିକର ବ୍ୟବହାର କରନ୍ତି। ଯାହା ସଂପର୍କରେ ଆସିବା ଦ୍ୱାରା ବ୍ୟକ୍ତିର ସ୍ୱାସ୍ଥ୍ୟ ସହ ଜଡ଼ିତ ଅନେକ ପ୍ରକାରର ସମସ୍ୟା ସୃଷ୍ଟି ହୁଏ।
କେଉଁ କେଉଁ ରୋଗର ବିପଦ ବଢାଏ ପରଫ୍ୟୁମ୍ –
ପରଫ୍ୟୁମ୍ରେ ବ୍ୟବହୃତ ରାସାୟନିକରେ ହର୍ମୋନାଲ ଅସନ୍ତୁଳନତା ଓ ସ୍କିନ୍ ଆଲର୍ଜି ହେବା ଏକ ସାଧାରଣ କଥା। ଏହି ରାସାୟନିକର ସଂପର୍କରେ ଆସିବା ଦ୍ୱାରା ତ୍ୱଚାରେ ଜ୍ୱଳନ , କୁଣ୍ଡାଇ ହେବା , ଇନଫର୍ଟିଲିଟି ଓ କ୍ୟାନସର ଭଳି ଗୁରୁତର ରୋଗ ହେବାର ବିପଦ ବଢିପାରେ। କିଛି ଲୋକଙ୍କ ଠାରେ ପରଫ୍ୟୁମ୍ ଆଲର୍ଜିର ମଧ୍ୟ କାରଣ ସାଜିଥାଏ। ଏଥିରେ ଲୋକଙ୍କ ପାଇଁ ପରଫ୍ୟୁମ୍ର ବାସ୍ନା ଫୁଲାର ଲକ୍ଷଣ ସୃଷ୍ଟି କରି ଗୁରୁତର ମୁଣ୍ଡବ୍ୟଥା ଓ ସ୍କିନ୍ ଇନଫେକ୍ସନର ବିପଦ ମଧ୍ୟ ସୃଷ୍ଟି କରେ।
କହି ରଖୁଛି କି, ହାର୍ଭାର୍ଡ ହେଲ୍ଥର ଏକ ଷ୍ଟଡି ଅନୁସାରେ , ୧୦ଜଣରୁ ପାଖାପାଖି ଜଣେ ବ୍ୟକ୍ତିକୁ ପରଫ୍ୟୁମରେ ମିଳୁଥିବା କେମିକାଲରୁ ଆଲର୍ଜି ହୋଇ ପାରେ।
ଶରୀରର କେଉଁ ଭାଗରେ ପରଫ୍ୟୁମ୍ ଲଗାଇବା ଉଚିତ୍ ନୁହେଁ :
୧- ପରଫ୍ୟୁମ୍କୁ ଅଣ୍ଡରଆର୍ମସରେ ଲଗାଇବାରୁ ଦୂରେଇ ରହିବା ଉଚିତ। ଏମିତି କରିବାରେ ସେଠାର ତ୍ୱଚାରେ ଜ୍ୱଳନ ଓ କୁଣ୍ଡାଇ ହେବା ସମସ୍ୟା ହୋଇ ପାରେ।
୨-ପ୍ରାଇଭେଟ୍ ପାର୍ଟର ଆଖପାଖରେ ମଧ୍ୟ ପରଫ୍ୟୁମ୍ ଲଗାଇବାରୁ ନିବୃତ୍ତ ରହିବା ଉଚିତ। ଏମିତି କରିବାରେ ତ୍ୱଚାରେ ଜ୍ୱଳନ ଓ ସଂକ୍ରମଣର ସମସ୍ୟା ହୋଇପାରେ।
୩- କ୍ଷତ ବା ଘା'ର ଆଖପାଖରେ ପରଫ୍ୟୁମ୍ ଲଗାଇବାରୁ ଦୂରେଇ ରହିବା ଉଚିତ। ଏଥିରେ ଜ୍ୱଳନ ଓ ଯନ୍ତ୍ରଣା ଅନୁଭବ ହୋଇପାରେ।
୪- ଯଦି ଆପଣଙ୍କର ତ୍ୱଚା ସେନ୍ସଟିଭ୍ ତ ଆପଣଙ୍କୁ ପେଟ ଓ ନାଭିର ଆଖପାଖର ତ୍ୱଚାରେ ମଧ୍ୟ ପରଫ୍ୟୁମ୍ ଲଗାଇବା ଉଚିତ୍ ନୁହେଁ। ଏମିତି କରିବା ଦ୍ୱାରା ତ୍ୱଚାରେ ଜ୍ୱଳନ ହୋଇପାରେ।
୫-ମୁହଁ ଓ ନାକର ଆଖପାଖରେ ପରଫ୍ୟୁମ୍ ଲଗାଇବାରୁ ଦୂରେଇ ରହିବା ଉଚିତ୍। ଏମିତି ନକଲେ କ୍ଷତିକାରକ କେମିକାଲ୍ସ ଶରୀରରକୁ ଯାଇ କ୍ଷତି କରିଥାଏ।
