ନୂଆଦିଲ୍ଲୀ,୨୫/୦୯: ବେନେଜୁଏଲାରେ ଭୂକମ୍ପ ଝଟକା। ରିକ୍ଟର ସ୍କେଲରେ ତୀବ୍ରତା ୬.୨ ରେକର୍ଡ କରାଯାଇଛି। ଆମେରିକାର ଭୂତତ୍ତ୍ୱ ସର୍ବେକ୍ଷଣ ଅନୁଯାୟୀ, ରାଜଧାନୀ କାରାକାସରୁ ପ୍ରାୟ ୬୦୦ କିଲୋମିଟର ପଶ୍ଚିମରେ ଜୁଲିଆ ପ୍ରଦେଶର ମେନେ ଗ୍ରାଣ୍ଡେ ସହରରୁ ପ୍ରାୟ ୨୪ କିଲୋମିଟର ଦୂରରେ କେନ୍ଦ୍ରୀଭୂତ ହୋଇଥିଲା।
ଭୂମିକମ୍ପର ଗଭୀରତା ମାତ୍ର ୭.୮ କିଲୋମିଟର ଥିଲା, ଯାହା ଫଳରେ ଅନେକ ରାଜ୍ୟରେ ଭୂମିକମ୍ପ ଅନୁଭୂତ ହୋଇଥିଲା। ଏହି ଭୂମିକମ୍ପ ପଡ଼ୋଶୀ କଲମ୍ବିଆରେ ମଧ୍ୟ ଅନୁଭୂତ ହୋଇଥିଲା। ବର୍ତ୍ତମାନ ସୁଦ୍ଧା କ୍ଷୟକ୍ଷତି ନେଇ କୌଣସି ସୂଚନା ନାହିଁ। ମେନେ ଗ୍ରାଣ୍ଡେ ଭେନେଜୁଏଲାର ତୈଳ ଶିଳ୍ପର କେନ୍ଦ୍ର ଭାବରେ ବିବେଚିତ ହ୍ରଦ ମାରାକାଇବୋର ପୂର୍ବ କୂଳରେ ଅବସ୍ଥିତ । ଏହି ଦେଶରେ ବିଶ୍ୱର ସର୍ବବୃହତ ତୈଳ ଭଣ୍ଡାର ରହିଛି। ବର୍ତ୍ତମାନ, ଭେନେଜୁଏଲାର ସରକାର ଘଟଣା ସମ୍ପର୍କରେ କୌଣସି ସରକାରୀ ବିବୃତ୍ତି ଜାରି କରିନାହାଁନ୍ତି। ରିଲିଫ୍ ଏଜେନ୍ସି ଏବଂ ବିଶେଷଜ୍ଞମାନେ ପରିସ୍ଥିତି ଉପରେ କଡ଼ା ନଜର ରଖିଛନ୍ତି।
ଆମେରିକାର ଭୂତତ୍ତ୍ୱ ସର୍ଭେ ଅନୁଯାୟୀ, ପେଟ୍ରୋପାଭଲୋଭସ୍କ-କାମଚାଟସ୍କି ଅଞ୍ଚଳରେ ଘଟିଥିବା ଏହି ଭୂମିକମ୍ପର ତୀବ୍ରତା ୭.୮ ଥିଲା ଏବଂ ଏହା ମାତ୍ର ୧୦କିଲୋମିଟର ଗଭୀରତାରେ କେନ୍ଦ୍ରିତ ଥିଲା। ତଥାପି, କୌଣସି କ୍ଷୟକ୍ଷତିର ରିପୋର୍ଟ ହୋଇନାହିଁ।ଆଣ୍ଡାମାନ ସାଗରରେ ଅବସ୍ଥିତ ଭାରତର ଏକମାତ୍ର ସକ୍ରିୟ ଜ୍ୱାଳାମୁଖୀ ବାରେନ ଦ୍ୱୀପ, ସେପ୍ଟେମ୍ବର୨୦ ତାରିଖରେ ହଠାତ୍ ଉଦ୍ଗିରଣ ହୋଇଥିଲା। ଦକ୍ଷିଣ ଏସିଆରେ ଏହି ଘଟଣା ଅତ୍ୟନ୍ତ ବିରଳ।
