ମୁମ୍ବାଇ ୨୭/୧୧: ମୁମ୍ବାଇରେ ଆପାର୍ଟମେଣ୍ଟ ଖୋଜୁଛନ୍ତି ବଲିଉଡ ପ୍ରେମୀଯୁଗଳ ବିଜୟ ବର୍ମା ଓ ତମନ୍ନା ଭାଟିଆ । ବିବାହ ପରେ ଦୁହେଁ ମୁମ୍ବାଇରେ ରହିବା ପାଇଁ ସ୍ଥିର କରିଛନ୍ତି । ବେଶ୍ କିଛି ମାସ ହେଲା ତମନ୍ନା ଓ ବିଜୟଙ୍କ ଡେଟିଂ ସମ୍ବନ୍ଧରେ ଆଲୋଚନା ଚାଲିଛି । ଶୁଣିବାକୁ ମିଳୁଛି, ୨୦୨୫ରେ ଦୁହେଁ ବିବାହ କରିବେ । ‘ଲଷ୍ଟ ଷ୍ଟୋରିଜ୍ ୨’ ସୁଟିଂ ସେଟ୍ରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ି ଉଠିଥିଲା । ସେବେଠାରୁ ଦୁହିଁଙ୍କୁ ନେଇ ଅନେକ ଚର୍ଚ୍ଚା ଚାଲିଛି ।
ବିଜୟ ଓ ତମନ୍ନା ମଧ୍ୟ ସେମାନଙ୍କ ରିଲେସନ୍ସିପ୍କୁ ଲୁଚାଇବାକୁ ଚାହିଁ ନାହାନ୍ତି । ଅନେକ ଥର ସର୍ବସାଧାରଣ ସ୍ଥାନରେ ଦେଖିବାକୁ ମିଳିଛନ୍ତି । ତେବେ କେବେ ବିବାହ କରିବେ, ତାହାକୁ ନେଇ ମୁହଁ ଖୋଲିନାହାନ୍ତି । ଅଳ୍ପ ଦିନ ତଳେ ଏକ ଗଣମାଧ୍ୟମକୁ ସାକ୍ଷାତକାର ଦେବା ଅବସରରେ ତମନ୍ନା କହିଛନ୍ତି, ସେ ମହତ୍ତ୍ୱାକାଂକ୍ଷୀ । ତେଣୁ ବିବାହ ପରେ ବି ଫିଲ୍ମ ଅଭିନୟ ଜାରି ରଖିବେ । ତେବେ ସେ ବିଜୟଙ୍କୁ ବାହା ହେବା ପ୍ରଶ୍ନକୁ ଏଡ଼ାଇ ଯାଇଥିଲେ । ଦୁହିଁଙ୍କ ଅନ୍ତରଙ୍ଗ ମହଲ କହିବା କଥା, ଆସନ୍ତା ବର୍ଷ ବିବାହ ପାଇଁ ଉଭୟେ ଯୋଜନା କରୁଛନ୍ତି । ବିଜୟଙ୍କ ସହ ଗୋଟିଏ ଫିଲ୍ମରେ ଅଭିନୟ କରିବେ କି? ପ୍ରଶ୍ନର ଉତ୍ତରରେ ଭଲ ପ୍ରୋଜେକ୍ଟରେ ସୁଯୋଗ ମିଳିଲେ ଅଭିନୟ କରିବାରେ ଅସୁବିଧା ନାହିଁ ବୋଲି କହିଥିଲେ ତମନ୍ନା ।
