ବୌଦ୍ଧ,୧୭/୧୧: ମଧୁପୁର ଛକ ନିକଟ କହ୍ନେଇ ଦାଶଙ୍କ ଗୋରୁ ଗୁହାଳରୁ ଜଣେ ସନ୍ଦିଗ୍ଧ ବ୍ୟକ୍ତିଙ୍କୁ ଗ୍ରାମବାସୀ ଧରି ବୌଦ୍ଧ ପୋଲିସର ଜିମା ଦେଇଛନ୍ତି । ବ୍ୟକ୍ତି ଜଣକ ସୋନପୁର ଜିଲ୍ଲା ବୀରମହାରାଜପୁରକୁ ଥାନା ଲାତୁରପେଟ ଗ୍ରାମର କର୍ଣ୍ଣ ବଣ୍ଡକୀ ବୋଲି ଜଣାପଡ଼ିଛି । ସେ ଗୋରୁ ଚୋରି କରିବା ଉଦ୍ଧେଶ୍ୟରେ ଗୁହାଳରେ ପଶିଥିବା ସନ୍ଦେହ କରାଯାଉଛି । ବୌଦ୍ଧ ଥାନା ମଧୁପୁର ଛକ ନିକଟରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ମଧୁପୁର ଛକ ନିକଟ କହ୍ନେଇ ଦାଶଙ୍କ ଗୋରୁ ଗୁହାଳ ଭିତରେ ଜଣେ ଅପରିଚିତ ବ୍ୟକ୍ତି ଥିବା ଦେଖିଥିଲେ ପରିବାର ଲୋକେ । ଏହା ଦେଖି ତୁରନ୍ତ ଗ୍ରାମବାସୀଙ୍କୁ ଡାକିଥିଲେ । ଗ୍ରାମବାସୀ ଉକ୍ତ ସନ୍ଦିଗ୍ଧ ବ୍ୟକ୍ତିଙ୍କୁ ଧରି ୧୧୨ ପୋଲିସ ସହାୟତାକୁ ଫୋନ୍ କରି ଘଟଣା ସମ୍ୱନ୍ଧରେ ଜଣାଇ ଥିଲେ । ଖବର ପାଇ ବୌଦ୍ଧ ପୋଲିସ ଘଟଣାସ୍ଥଳରେ ପହଞ୍ଚି ସନ୍ଦିଗ୍ଧ ବ୍ୟକ୍ତିଙ୍କୁ ଥାନାକୁ ଆଣିଛି । ତାଙ୍କ ଘର ସୋନପୁର ଜିଲ୍ଲା ବୀରମହାରାଜପୁରକୁ ଥାନା ଲାତୁରପେଟ ଗ୍ରାମର କର୍ଣ୍ଣ ବଣ୍ଡକୀ ବୋଲି ନିଜ ପରିଚୟ ଦେଇଛି । ସେ କେଉଁ ଉଦ୍ଦେଶ୍ୟରେ ଗୁହାଳରେ ପଶିଥିଲେ ତାହା ପୋଲିସର ପଚରାଉଚୁରା ପରେ ସ୍ପଷ୍ଟ ହେବ ବୋଲି ଆଶା କରାଯାଉଛି l ତେବେ ସେ ଗୋରୁ ଚୋରି କରିବା ଉଦ୍ଦେଶ୍ୟରେ ଗୁହାଳ ଭିତରେ ପଶିଥିବା ସନ୍ଦେହ କରାଯାଉଛି ।