ନୂଆଦିଲ୍ଲୀ,୧୩/୦୫: ଟେଷ୍ଟ କ୍ରିକେଟରୁ ଅବସର ନେବାର ଗୋଟିଏ ଦିନ ପରେ ସର୍ବପ୍ରଥମେ ବୃନ୍ଦାବନରେ ପହଞ୍ଚିଛନ୍ତି ବିରାଟ କୋହଲି । ସାଥୀରେ ପତ୍ନୀ ତଥା ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମା ମଧ୍ୟ ରହିଛନ୍ତି । ତୃତୀୟ ଥର ପାଇଁ ପ୍ରେମାନନ୍ଦ ମହାରାଜାଙ୍କ ଶରଣରେ ବିରୁଷ୍କା । ପ୍ରେମାନନ୍ଦ ମହାରାଜଙ୍କ ଆଶ୍ରମରେ ପହଞ୍ଚିବା ପରେ ବିରାଟ ଓ ଅନୁଷ୍କା ହାତ ଯୋଡ଼ି ମୁଣ୍ଡ ନୁଆଁଇ ପ୍ରଣାମ କରିଥିଲେ । ଏହି ସମୟରେ ପ୍ରେମାନନ୍ଦ ମହାରାଜ ତାଙ୍କୁ ପଚାରିଥିଲେ , ପ୍ରଶନ୍ନ ହୋ ? ବିରୁଷ୍କା ପ୍ରେମାନନ୍ଦ ମହାରାଜାଙ୍କୁ ସାକ୍ଷାତ କରିଥିବା ସମୟର ଫଟୋ ଓ ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେଉଛି ।
ଅଧିକ ପଢନ୍ତୁ...‘ମୋତେ ତୁମର ଲୁହ ସବୁବେଳେ ମନେ ରହିବ’: କୋହଲିଙ୍କ ଅବସର ପରେ ଭାବୁକ ହେଲେ ପତ୍ନୀ ଅନୁଷ୍କା
କହି ରଖୁଛି କି ଗତକାଲି (ସୋମବାର) ଟେଷ୍ଟ କ୍ରିକେଟରୁ ଅବସର ଘୋଷଣା କରିଥିଲେ ବିରାଟ କୋହଲି । ୨୦୧୧ରେ ଟେଷ୍ଟରେ ପଦାର୍ପଣ କରିଥିଲେ କୋହଲି । ବିରାଟ କୋହଲି ୧୪ବର୍ଷର ଟେଷ୍ଟ କ୍ୟାରିୟର ମଧ୍ୟରେ ୧୨୩ଟି ଟେଷ୍ଟ ଖେଳି ୪୬.୮୫ ହାରରେ ୯୨୩୦ ରନ ସଂଗ୍ରହ କରିଛନ୍ତି । ଏଥିରେ ୩୦ଟି ଶତକ ଓ ୩୧ଟି ଅର୍ଦ୍ଧଶତକ ରହିଛି । ସେ ୬୮ଟି ଟେଷ୍ଟରେ ଭାରତୀୟ ଦଳର ନେତୃତ୍ୱ ନେଇଛନ୍ତି ଓ ଏଥିରୁ ଦଳକୁ ୪୦ଟି ମ୍ୟାଚ୍ ଜିତାଇଛନ୍ତି । ୨୦୧୯ରେ ଦକ୍ଷିଣ ଆଫ୍ରିକା (ପୁନେ ଟେଷ୍ଟ) ବିପକ୍ଷରେ କୋହଲି ଅପରାଜିତ ୨୫୪ରନ୍ର ଇନିଂସ ଖେଳିଥିଲେ । ଏହା ତାଙ୍କ ଟେଷ୍ଟ କ୍ୟାରିୟର୍ର ସର୍ବ ବୃହତ ଇନିଂସ ରହିଥିଲା ।
