ନୂଆଦିଲ୍ଲୀ,୨୩/୦୫; ଆଇପିଏଲ ୨୦୨୬ ସିଜିନରେ, ବିରାଟ କୋହଲି ଲିଗ୍ ପର୍ଯ୍ୟାୟରେ ବ୍ୟାଟ୍ ସହିତ ଜବରଦସ୍ତ ଫର୍ମରେ ଅଛନ୍ତି । ସେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦଳକୁ ପ୍ଲେଅଫରେ ପହଞ୍ଚାଇବାରେ ସଫଳ ହୋଇଥିଲେ । ସନରାଇଜର୍ସ ହାଇଦ୍ରାବାଦ ବିପକ୍ଷରେ ଲିଗ୍ ପର୍ଯ୍ୟାୟର ଶେଷ ମ୍ୟାଚରେ ସମସ୍ତେ ବିରାଟ କୋହଲିଙ୍କଠାରୁ ଏକ ବଡ଼ ଇନିଂସ ଆଶା କରିଥିଲେ, କିନ୍ତୁ ସେ ମାତ୍ର ୧୫ ରନ କରି ପ୍ୟାଭିଲିୟନ ଫେରିଥିଲେ । ଏହା ପୂର୍ବରୁ କୋହଲି ଏକ ଏପରି କୃତିତ୍ୱ ହାସଲ କରିଥିଲେ ଯାହା ତାଙ୍କୁ ଟି-ଟ୍ୱେଣ୍ଟି କ୍ରିକେଟରେ ଏକ ବଡ଼ ରେକର୍ଡ କରିବାରେ ସହାୟକ ହୋଇଛି । ଏବେ ବିରାଟ କୋହଲି T20 ଫର୍ମାଟରେ ସର୍ବାଧିକ ୫୦ କିମ୍ବା ତା'ଠାରୁ ଅଧିକ ରନର ପାର୍ଟନରସିପ୍ ମାମଲାରେ ନମ୍ବର ୱାନ୍ ବ୍ୟାଟର ହୋଇଛନ୍ତି ।
ଆଲେକ୍ସ ହେଲ୍ସଙ୍କ ରେକର୍ଡ ଭାଙ୍ଗିଲେ ବିରାଟ- ଟି-୨୦ କ୍ରିକେଟରେ ଏପର୍ଯ୍ୟନ୍ତ ଅନେକ ରେକର୍ଡ ହୋଇଛି । ଅନେକ ରେକର୍ଡ ଭାଙ୍ଗିଛି ମଧ୍ୟ । କୋହଲିଙ୍କ ନାମରେ ମଧ୍ୟ ଅନେକ ରେକର୍ଡ ରହିଛି । ସନରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚ୍ରେ ଭେଙ୍କଟେଶ ଆୟରଙ୍କ ସହିତ ପ୍ରଥମ ୱିକେଟ୍ ପାଇଁ ୫୦ ରନର ପାର୍ଟନରସିପ୍ ପୂରଣ କରିବା ମାତ୍ରେ ବିରାଟ କୋହଲି ଟି-୨୦ ଫର୍ମାଟରେ ସର୍ବାଧିକ ୫୦ରୁ ଅଧିକ ରନର ପାର୍ଟନରସିପର ଅଂଶୀଦାର ହୋଇଥିବା ଖେଳାଳି ହୋଇଛନ୍ତି । ଏହା ଟି-୨୦ କ୍ରିକେଟ୍ରେ ବିରାଟ କୋହଲିଙ୍କର ୨୧୧ତମ ୫୦ରୁ ଅଧିକ ରନର ପାର୍ଟନରସିପ୍ ଥିଲା । ଯେଉଁଥିରେ ସେ ଇଂଲଣ୍ଡ ଖେଳାଳି ଆଲେକ୍ସ ହେଲ୍ସଙ୍କୁ ପଛରେ ପକାଇ ଦେଇଥିଲେ, ଯିଏ ପୂର୍ବରୁ ୨୧୦ ୫୦ରୁ ଅଧିକ ରନର ପାର୍ଟନରସିପର ଅଂଶ ହେବାର ରେକର୍ଡ ରଖିଥିଲେ ।
ଏହା ବି ପଢନ୍ତୁ...No Handshake: ବିରାଟଙ୍କ ‘ନୋ ହ୍ୟାଣ୍ଡସେକ୍’ ପରେ ଭାଇରାଲ ହେଉଛି ହେଡଙ୍କ ପୋଷ୍ଟ
ଟି-୨୦ରେ ସର୍ବାଧିକ ୫୦ରୁ ଅଧିକ ରନର ପାର୍ଟନରସିପ
ବିରାଟ କୋହଲି (ଭାରତ) - ୨୧୧
ଆଲେକ୍ସ ହେଲ୍ସ (ଇଂଲଣ୍ଡ) - ୨୧୦
ଡେଭିଡ୍ ୱାର୍ଣ୍ଣର (ଅଷ୍ଟ୍ରେଲିଆ) - ୨୦୦
ବାବର ଆଜମ (ପାକିସ୍ତାନ) – ୧୯୬
କ୍ରିସ୍ ଗେଲ୍ (ୱେଷ୍ଟଇଣ୍ଡିଜ୍) - ୧୯୧
ଚଳିତ ଆଇପିଏଲ ସିଜିନରେ ବିରାଟ କୋହଲି ବର୍ତ୍ତମାନ ସିଜିନରେ ସର୍ବାଧିକ ରନ ସ୍କୋରରଙ୍କ ତାଲିକାରେ ୭ ନମ୍ବରରେ ଅଛନ୍ତି । ସେ ୧୪ ମ୍ୟାଚରେ ୫୦.୬୩ ହାରରେ ୫୫୭ ରନ ସଂଗ୍ରହ କରିଛନ୍ତି । ଏହି ସିଜିନରେ କୋହଲି ଗୋଟିଏ ଶତକ ଏବଂ ୪ଟି ଅର୍ଦ୍ଧଶତକ ମଧ୍ୟ କରିଛନ୍ତି । ପ୍ଲେଅଫରେ କୋହଲିଙ୍କ ପାଖରେ ଏକ ବଡ଼ ରେକର୍ଡ ସ୍ଥାପନ କରିବାର ସୁଯୋଗ ମଧ୍ୟ ଅଛି । ଯଦି ସେ ଆଉ ୪୩ ରନ କରନ୍ତି, ତେବେ ସେ କ୍ରମାଗତ ୪ ସିଜିନରେ ୬୦୦ କିମ୍ବା ତା'ଠାରୁ ଅଧିକ ରନ ସ୍କୋର କରିବାରେ ଆଇପିଏଲ ଇତିହାସର ପ୍ରଥମ ଖେଳାଳି ହେବେ ।
ଏହା ବି ପଢନ୍ତୁ...Kohli vs Head: ମ୍ୟାଚ୍ ପରେ ହାଇଡ୍ରାମା ! କୋହଲିଙ୍କର କଣ ହେଲା ? ହାତ ବଢାଇଲେ ହେଡ୍, ହ୍ୟାଣ୍ଡସେକ୍ କଲେନି ବିରାଟ
