ଦାରିଙ୍ଗବାଡ଼ି, ୨୮/୧, (ଆପ୍ର): ଦନେକବାଡ଼ି ପଂଚାୟତ ଅନ୍ତର୍ଗତ ବିରାଗାଡ଼ା ଗ୍ରାମ ଠାରେ ଜିଲ୍ଲା ସ୍ତରୀୟ ଭଲିବଲ ଟୁର୍ନାମେଣ୍ଟ ଉଦଯାପିତ ହୋଇଛି। ଏହି ପ୍ରତିଯୋଗିତାରେ ମାହାଡ଼ାଗାଣ୍ଡା ଦଳ ବିଜୟୀ ଓ କିରାମାହା ଦଳ ରନର୍ସ ଅପ ହୋଇଛନ୍ତି।
ଏଥିରେ ମୁଖ୍ୟ ଅତିଥି ଭାବେ ଜି. ଉଦୟଗିରି ବିଧାୟକ ପ୍ରଫୁଲ୍ଲ ଚନ୍ଦ୍ର ପ୍ରଧାନ , ସମ୍ମାନିତ ଅତିଥି ଭାବେ ଅମୀର ଚାନ୍ଦ ନାୟକ ଯୋଗ ଦେଇଥିଲେ। ବିଜୟୀ ଦଳକୁ ଟ୍ରଫି ସହିତ ୧୨ ହଜାର ଓ ରନର୍ସ ଦଳକୁ ଟ୍ରଫି ସହ ୮ ହଜାର ଟଙ୍କା ପ୍ରଦାନ କରାଯାଇଥିଲା। ମୋଟ ୧୬ଟି ଦଳ ପ୍ରତିଯୋଗିତାରେ ଭାଗ ନେଇଥିଲେ। ଗତ ୨୨ ତାରିଖ ରୁ ଟୁର୍ନାମେଣ୍ଟ ଆରମ୍ଭ ହୋଇ ୨୭ରେ ଉଦଯାପିତ ହୋଇଥିଲା। ବିରାଗାଡା ଯୁବକ ସଂଘ ପକ୍ଷରୁ ଏହି ଟୁର୍ନାମେଣ୍ଟ ଆୟୋଜନ କରାଯାଇଥିଲା।
