ବ୍ୟାସନଗର, ୩୧/୦୫ : ଯାଜପୁର ଜିଲ୍ଲା ବ୍ୟାସନଗର ସ୍ଵୟଂଶାସିତ ମହାବିଦ୍ୟାଳୟର ଯୁକ୍ତ ୩ ପରୀକ୍ଷା ଫଳ ପ୍ରକାଶ ପାଇଛି। କଳା ବିଭାଗର ଅର୍ଥନୀତି ଛାତ୍ରୀ ଅର୍ଚ୍ଚନା ଶର୍ମା ଶ୍ରେଷ୍ଠ ସ୍ନାତକ ହୋଇଛନ୍ତି।
ବ୍ୟାସନଗର କଲେଜ ଅଧ୍ୟକ୍ଷ ଶରତ କୁମାର ମଲିକ ଏବଂ ପରୀକ୍ଷା ନିୟନ୍ତ୍ରକ ମହମ୍ମଦ ଟୀକା ଖାନଙ୍କ ସୂଚନା ମୁତାବକ, ଚଳିତ ବର୍ଷ କଳାରେ ୨୨୫ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ୨୧୬(୯୬%)ଜଣ ଉତୀର୍ଣ୍ଣ ହୋଇଛନ୍ତି। ସେହିପରି ବିଜ୍ଞାନରେ ୧୯୩ ଜଣ ପରୀକ୍ଷା ଦେଇଥିବା ବେଳେ ୧୮୯(୯୮%) ଏବଂ ବାଣିଜ୍ୟରେ ୧୬୦ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୧୫୦ (୯୩%) ଜଣ ଉତୀର୍ଣ୍ଣ ହୋଇଛନ୍ତି। କେବଳ ବାଣିଜ୍ୟକୁ ବାଦ୍ ଦେଲେ ଉଭୟ କଳା ଏବଂ ବିଜ୍ଞାନରେ ଛାତ୍ରଙ୍କ ଅପେକ୍ଷା ଛାତ୍ରୀଙ୍କ ଉତୀର୍ଣ୍ଣ ସଂଖ୍ୟା ଅଧିକ। କଳାରେ ଅର୍ଥନୀତି ଛାତ୍ରୀ ଅର୍ଚ୍ଚନା ଶର୍ମା ୨୪୮୭ ନମ୍ବର ରଖି ବିଭାଗୀୟ ଟପ୍ପର ହୋଇଥିବା ବେଳେ ବିଜ୍ଞାନରେ ପଦାର୍ଥ ବିଜ୍ଞାନ ଛାତ୍ର ଦୀନେଶ ନାୟକ ୨୪୧୬ ନମ୍ବର ଏବଂ ବାଣିଜ୍ୟରେ ସ୍ମୃତିଶିଖା ମିଶ୍ର ୨୩୮୫ ନମ୍ବର ରହି ବିଭାଗୀୟ ଟପ୍ପର ସାଜିଛନ୍ତି। ପୂର୍ବ ବର୍ଷ ତୁଳନାରେ ଚଳିତ ବର୍ଷ ଫଳାଫଳର ପ୍ରତିଶତ ବଢିଥିବା ଅଧ୍ୟକ୍ଷ ଶ୍ରୀ ମଲିକ ସୂଚନା ଦେଇଛନ୍ତି।
