ନୂଆଦିଲ୍ଲୀ,୨୫/୦୭: ଦିନ ଦ୍ୱିପ୍ରହରରେ ଲୁଟ୍। ଅନଲାଇନ୍ ଡେଲିଭରୀ ବୟ ବେଶରେ ଆସି ଲୁଟି ନେଲେ ସୁନା ଅଳଙ୍କାର। ମାତ୍ର ୬ ମିନିଟ୍ରେ ୨୦ ଲକ୍ଷରୁ ଅଧିକ ସୁନା ଗହଣା ନେଇ ଚମ୍ପଟ ମାରିଛନ୍ତି ଦୁର୍ବୁତ୍ତ। ଉତ୍ତରପ୍ରଦେଶ ଗାଜିୟାବାଦର ଏକ ସୁନା ଦୋକାନରେ ଏହି ଘଟଣା ଘଟିଛି ।
ସୂଚନା ଅନୁଯାୟୀ, ଦୁର୍ବୁତ୍ତମାନେ ପିସ୍ତଲ ଧରି ଦୋକାନ ଭିତରେ ପଶି ପ୍ରାୟ ୨୦ କିଲୋ ରୂପା ଏବଂ ୧୨୫ ଗ୍ରାମ ସୁନା ଲୁଟି ନେଇଛନ୍ତି । ଦୁର୍ବୁତ୍ତମାନେ ପ୍ରବେଶ କରିବା ପରେ ଦୋକାନରେ ଉପସ୍ଥିତ କର୍ମଚାରୀମାନେ ଆଶ୍ଚର୍ଯ୍ୟ ହୋଇଯାଇଥିଲେ । ଏହାପରେ ଅସ୍ତ୍ରଶସ୍ତ୍ର ଦେଖାଇ ଦୋକାନ କର୍ମଚାରୀଙ୍କୁ ଚୁପ୍ ରହିବାକୁ ଧମକ ଦେବା ସହ ଅଳଙ୍କାର ଭର୍ତ୍ତି ବ୍ୟାଗ ନେଇ ଘଟଣାସ୍ଥଳରୁ ପଳାଇ ଯାଇଥିଲେ ଦୁର୍ବୁତ୍ତ। ବନ୍ଧୁକ ଦେଖାଇ ୨୦ କିଲୋଗ୍ରାମ ରୁପା ଏବଂ ୧୨୫ ଗ୍ରାମ ସୁନା ନେଇ ଚମ୍ପଟ ମାରିଛନ୍ତି । ଦୋକାନ ମାଲିକ ନଥିବା ବେଳେ ଏହି ଲୁଟ୍ କରିଛନ୍ତି ଲୁଟେରା । ଲୁଟର ସମସ୍ତ ଘଟଣା ସୁନା ଦୋକାନରେ ଲାଗିଥିବା ସିସିଟିଭିରେ କଏଦ ହୋଇଛି ।
ଏନେଇ ପୁଲିସ କହିଛି ଯେ, ଦୁର୍ବୁତ୍ତମାନେ ଅନଲାଇନ୍ ଡେଲିଭରି ବୟଙ୍କ ପରି ପୋଷାକ ପିନ୍ଧିଥିଲେ, ଯାହା ପ୍ରଥମରୁ ସନ୍ଦେହ ସୃଷ୍ଟି କରିନଥିଲା। ଘଟଣା ପରେ ପୁଲିସ ଆଖପାଖ ଅଞ୍ଚଳକୁ ସିଲ୍ କରି ଦୋକାନ ଏବଂ ଆଖପାଖ ଅଞ୍ଚଳର ସିସିଟିଭି ଫୁଟେଜ୍ ଆଧାରରେ ତଦନ୍ତ ଆରମ୍ଭ କରିଛି।ଏହି ମାମଲାରେ ଅଭିଯୋଗ ଅନୁଯାୟୀ, ଦୁର୍ବୃତ୍ତମାନେ ୨୦ କିଲୋ ରୂପା ୧୨୫ ଗ୍ରାମ ସୁନା ଲୁଟି ନେଇଛନ୍ତି। ପୁଲିସ ଏହି ଘଟଣାର ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଏହି ମାମଲାରେ ଦୁର୍ବୁତ୍ତଙ୍କୁ ଗିରଫ କରିବା ପାଇଁ ୬ଟି ଟିମ୍ ଗଠନ କରାଯାଇଛି।
