ହରଭଙ୍ଗା,୧୮/୭ : ବୌଦ୍ଧ ଜଳ ସେଚନ ବିଭାଗର ସାଲୁଙ୍କି ଜଳ ସେଚନ ପ୍ରକଳ୍ପରୁ ଚଳିତ ବର୍ଷ ଖରିପ ଚାଷ ପାଇଁ ଶୁକ୍ରବାର ଚାଷ କାର୍ଯ୍ୟ ପାଇଁ ପ୍ରକଳ୍ପରେ ପୂଜାର୍ଚ୍ଚନା କରାଯାଇ ସମସ୍ତ ଗେଟ ଖୋଳାଯାଇ ଚାଷ କାର୍ଯ୍ୟ ପାଇଁ ମୁଖ୍ୟ କେନାଲ ଓ ଶାଖା କେନାଲ ମାଧ୍ୟମରେ ଜଳ ଯୋଗାଣ କରାଯାଇଛି। ପ୍ରକାଶ ଯେ, ସାଲୁଙ୍କି ଜଳ ସେଚନ ପ୍ରକଳ୍ପ ଅଧୀନରେ ୧୮୭୯୩ହେକ୍ଟର ଚାଷ ଜମି ଜଳ ସେଚିତ ହୋଇଥାଏ।
ଏହି ପ୍ରକଳ୍ପ ଦ୍ୱାରା ବୌଦ୍ଧ, ବାଉଁସୁଣୀ, ସହିତ ହରଭଙ୍ଗା ବ୍ଲକର ୮ଟି ପଞ୍ଚାୟତର ଚାଷୀମାନେ ଉପକୃତ ହୋଇଥାନ୍ତି। ଏହି ପ୍ରକଳ୍ପ ଦ୍ୱାରା ବହୁ ଚାଷୀ ଚାଷ କାର୍ଯ୍ୟ ଉପରେ ନିର୍ଭର କରିଥାନ୍ତି। ବିଭାଗ ପକ୍ଷରୁ ଉନ୍ନତ ମାନର କେନାଲ ନିର୍ମାଣ ଯୋଗୁଁ ତଳି ଅଞ୍ଚଳକୁ ଜଳ ସେଚିତ ହୋଇପାରୁଛି। ଫଳରେ କେନାଲ ଉପରେ ଚାଷ କାମ ପାଇଁ ନିର୍ଭର କରୁଥିବା ଚାଷୀମାନେ ଆନନ୍ଦ ପ୍ରକାଶ କରିଛନ୍ତି। ପ୍ରଥମେ ପୂଜାର୍ଚ୍ଚନା କରାଯାଇ ବୌଦ୍ଧ ଜଳସେଚନ ବିଭାଗର ନିର୍ବାହୀ ଯନ୍ତ୍ରୀ ଇଂ. ନରେଶ ବାରିକ ସହକାରୀ ନିର୍ବାହୀ ଯନ୍ତ୍ରୀ କେଶୁରୁ ମୁର୍ମୁ, ସହକାରୀ ନିର୍ବାହୀ ଯନ୍ତ୍ରୀ ବିଷ୍ନୁପ୍ରିୟା ଦେହୁରୀ, ସହକାରୀ ଯନ୍ତ୍ରୀ ବସନ୍ତ ମହାକୁଡ଼, ସୁବ୍ରତ ମଲିକ, ଶତ୍ରୁଘନ ଡିଗାଲ, ସଞ୍ଜୟ ମହାନ୍ତି, ଭିଜିଲା ଏକ୍କା ପ୍ରମୁଖ ବରିଷ୍ଠ ଅଧିକାରୀମାନଙ୍କ ଦ୍ୱାରା ଜଳ ଯୋଗାଣ ପାଇଁ ଗେଟ ଖୋଲାଯାଇଥିଲା।
ସମସ୍ତ ଗେଟ ଖୋଲାଯାଇ ଚାଷୀମାନଙ୍କୁ ଜଳ ଯୋଗାଣ କରାଯାଇଥିବାରୁ ଚାଷୀମାନେ ମଧ୍ୟ ଆନନ୍ଦ ପ୍ରକାଶ କରିଛନ୍ତି। ପ୍ରକାଶ ଥାଉ କି ବିଭାଗର ବରିଷ୍ଠ ଅଧିକାରୀ ଇଂଜିନିଅରମାନେ ଉପସ୍ଥିତ ରହି ଉକ୍ତ କାର୍ଯ୍ୟକ୍ରମରେ ଯୋଗ ଦେଇଥିଲେ। ଫଳରେ ଆଗାମୀ ଦିନରେ ଚାଷୀମାନଙ୍କ ଜମିକୁ କିପରି ସୂଚାରୁ ରୂପେ ଜଳ ସେଚିତ ହୋଇପାରିବ ସେଥିପାଇଁ ସ୍ୱତନ୍ତ୍ର ଦୃଷ୍ଟି ଦେବାକୁ ଅଞ୍ଚଳର ଚାଷୀମାନେ ଜଳ ସେଚନ ବିଭାଗକୁ ଆପତ୍ତି କରିଛନ୍ତି। ବିଭାଗ ପକ୍ଷରୁ ସମସ୍ତ ପ୍ରକାର ସହଯୋଗ କରାଯିବା ସହ ସମସ୍ତ କେନାଲ ମାଧ୍ୟମରେ ଚାଷୀମାନଙ୍କୁ ଠିକ ଭାବରେ ଜଳ ଯୋଗେଇ ଦିଆଯିବା ପାଇଁ ବୌଦ୍ଧ ଜଳ ସେଚନ ବିଭାଗର ନିର୍ବାହୀ ଯନ୍ତ୍ରୀ ନରେଶ ବାରିକ ପ୍ରକାଶ କରିଛନ୍ତି।
