ଭୁବନେଶ୍ୱର,୨୫/୦୧: ରାମ ମନ୍ଦିର ଟ୍ରାଫିକ ପୋଷ୍ଟରେ ଭାରସାମ୍ୟ ହରାଇ ଓଲଟିଲା ପାଣି ଟ୍ୟାଙ୍କର । ଏହି ଦୁର୍ଘଟଣାରେ ହେଲପର୍ ସହ ଡ୍ରାଇଭର୍ ଆହତ ହୋଇଥିବାରୁ ଉଭୟଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ ଅଗ୍ନିଶମ ବାହିନୀ ଏବଂ ପୋଲିସ ପହଞ୍ଚି ଗାଡକୁ ଉଦ୍ଧାର କରିବାକୁ ଉଦ୍ୟମ ଚଳାଇଛି । ରାଜଧାନୀ ଭୁବନେଶ୍ୱରର ରାମ ମନ୍ଦିର ଟ୍ରାଫିକ ପୋଷ୍ଟଠାରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଶନିବାର ସକାଳୁ ଏକ ପାଣି ଟ୍ୟାଙ୍କର୍ ରାସ୍ତାରେ ଯିବା ବେଳେ ରାମ ମନ୍ଦିର ଟ୍ରାଫିକ ପୋଷ୍ଟଠାରେ ଭାରସାମ୍ୟ ହରାଇ ଓଲଟି ପଡ଼ିଥିଲା । ଏହି ଦୁର୍ଘଟଣା କାରଣରୁ ଗାଡି ଚଳାଉଥିବା ଡ୍ରାଇଭର୍ ଏବଂ ହେଲପର୍ ଆହତ ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ଏବଂ ଅଗ୍ନିଶମ ବାହିନୀ ପହଞ୍ଚି ଗାଡିଟିକୁ ଉଦ୍ଧାର କରିବାକୁ ଚେଷ୍ଟା ଚଳାଇଛନ୍ତି । ଏହା ସହ ଆହତ ହୋଇଥିବା ଡ୍ରାଇଭର ଏବଂ ହେଲପର୍ଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି ପୋଲିସ ।
