ନୂଆଦିଲ୍ଲୀ,୨୨।୧୨: କାଶ୍ମୀରରେ ପ୍ରବଳ ଥଣ୍ଡା। ୪୦ ଦିନ ପଯ୍ୟନ୍ତ ଏହି ପ୍ରବଳ ଥଣ୍ଡାକୁ’ଚିଲ୍ଲଇ କଳା’ କୁହାଯାଏ, ଯାହାକି ଶନିବାରଠାରୁ ଆରମ୍ଭ ହୋଇଛି। ପାଣିପାଗ ବିଭାଗର ସୂଚନା ଅନୁସାରେ, ଗତ ୫ ଦଶକ ହେବ ଏହା ସିଜିନର ପ୍ରଥମ ସବୁଠାରୁ ବଡ଼ ଥଣ୍ଡା ରାତି ରହିଛି। ଏହି ସମୟରେ ତାପାମାତ୍ରା ମାଇନସ୍ ୮.୫ ଡିଗ୍ରୀ ସେଲସିୟସ୍ ରହିଛି। ରବିବାର ସକାଳେ ପ୍ରବଳ ଥଣ୍ଡା ଅନୁଭୂତ ହୋଇଛି ଓ ଶ୍ରୀନଗରର ତାପମାତ୍ର ମାଇନସ୍ ୩.୨ ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି। ଏହି କାରଣରୁ ଡଲ୍ ହ୍ରଦର ପାଣି ବରଫ ପାଲଟି ଯାଇଛି। କେବଳ କାଶ୍ମୀର ନୁହେଁ ଦିଲ୍ଲୀ ଓ ରାଜସ୍ଥାନରେ ପ୍ରବଳ ଶୀତ ଲହରୀ ଦେଖିବାକୁ ମିଳିଛି।
ଶୂନ୍ୟରୁ ୮.୫ ଡିଗ୍ରୀ ସେଲ୍ସିୟସ୍ ତଳକୁ ତାପମାତ୍ରା ସହ ଶ୍ରୀନଗରରେ ଏହା ୧୯୭୪ ପରେ ଡିସେମ୍ବରର ସବୁଠାରୁ ଅଧିକ ଥଣ୍ଡା।ଏହି ସମୟରେ ସହରରେ ସର୍ବନିମ୍ନ ତାପମାତ୍ରା ଶୂନରୁ ୧୦.୩ ଡିଗ୍ରୀ ସେଲସିୟସ୍ ତଳେ ରହିଛି। ଏହାଛଡା ୧୮୯୧ ପରେ ଏହା ତୃତୀୟ ସବୁଠାରୁ ବଡ଼ ଥଣ୍ଡା ୧୩ ଡିସେମ୍ବର ୧୯୩୪ ରେ ପଡିଥିଲା ଯେତେବେଳେ ମାଇନସ୍ ୧୨.୮ ଡିଗ୍ରୀ ସେଲସିୟସ୍ ତଳେ ପହଁଞ୍ଚି ଯାଇଥିଲା। ’ଚିଲ୍ଲାଇ କଳା’ର ଶେଷ ୩୧ ଜାନୁଆରୀ ୨୦୨୫ରେ ହେବ। ଏହାପରେ ମଧ୍ୟ ଘାଟିରେ ଶୀତ ଲହରୀର ସ୍ଥିତି ବଜାୟ ରହିଛି। ଏହା ଏଥିପାଇଁ କାରଣ ୨୦ ଦିନ ପରେ ଚିଲ୍ଲଇ ନିଜେ (ଛୋଟ ଶୀତ) ଓ ୧୦ ଦିନ ଚିଲ୍ଲାଇ-ବଚ୍ଚା(ବେବି ଶୀତ) ୪୦ ଦିନ ପରେ ଆରମ୍ଭ ହେବ।
ଏହା ଭିତରେ ଦିଲ୍ଲୀରେ ରବିବାର ସକାଳେ ଘନ କୁହୁଡି ଦେଖିବାକୁ ମିଳିଥିଲା। ସର୍ବନିମ୍ନ ତାପମାତ୍ର ୮ ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି। ରାଷ୍ଟ୍ରୀୟ ରାଜଧାନୀ ଓ ଏହାର ଆଖପାଖର ଦୃଶ୍ୟ ଲୋକଙ୍କୁ ଥଣ୍ଡା ପାଣିପାଗକୁ ମାତ୍ ଦେବା ବ୍ୟତୀତ ସାହାଯ୍ୟ ନେଉଥିବାର ଦେଖିବାକୁ ମିଳିଛି। ଶୀତଲହରୀରୁ ବଞ୍ଚିବା ପାଇ ବହୁ ଲୋକ ବସେରାରେ ଶରଣ ନେଇଛନ୍ତି। ଦିଲ୍ଲୀରେ ବାୟୁର ଗୁଣବତ୍ତା ମଧ୍ୟ ଠିକ୍ ନଥିଲା। କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ(ସିପିସିବି) ଅନୁସାରେ, ରବିବାର ସକାଳ ୭ଟା ବେଳେ ଏକ୍ୟୁଆଇ ୪୨୭ ରେକର୍ଡ କରାଯାଇଛି।
