ବରଗଡ଼, ୦୮/୧୧: ଭଟଲି ଛକରେ ସଡ଼କ ଦୁର୍ଘଟଣା । ରାସ୍ତା ପାରି ହେବା ବେଳେ ଯୁବକଙ୍କ ଉପରେ ଚଢ଼ିଗଲା ହାଇଡ୍ରା । ଫଳରେ ଘଟଣା ସ୍ଥଳରେ ଚାଲିଗଲା ଯୁବକଙ୍କ ଜୀବନ । ମୃତକଙ୍କ ପରିଚୟ ଅସ୍ପଷ୍ଟ ରହିଥିବା ବେଳେ ବରଗଡ଼ ଭଟଲି ଛକରେ ଏଭଳି ଘଟଣା ଘଟିଛି।
ସୂଚନା ମୂତାବକ, ଯୁବକ ଜଣକ ରାସ୍ତା ପାରି ହେଉଥିବା ବେଳେ ଏଭଳି ଦୁର୍ଘଟଣା ଘଟିଥିଲା । ହଠାତ୍ ଏକ ହାଇଡ୍ରା ଯୁବକଙ୍କ ଉପରେ ଚଢି ଯାଇଥିଲା । ଏହି ଦୁର୍ଘଟଣାରେ ଯୁବକ ଜଣକ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ବରଗଡ଼ ଟାଉନ୍ ଥାନା ପୋଲିସ ପହଞ୍ଚିଥିଲା । ସେଠାରେ ପହଞ୍ଚି ଗାଡ଼ିକୁ ଜବତ କରିବା ସହ ଡ୍ରାଇଭରକୁ ଥାନାରେ ଅଟକ ରଖିଛି ।
ତେବେ ବାରମ୍ୱାର ଛକରେ ଏଭଳି ଦୁର୍ଘଟଣା ଘଟୁଥିବା ସାମ୍ନାକୁ ଆସୁଥିବା ବେଳେ ଟ୍ରାଫିକ ପୋଲିସର କାର୍ଯ୍ୟକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଛକରେ ନୋ ପାର୍କିଂର ବୋର୍ଡ ଲାଗିଥିଲେ ମଧ୍ୟ ଦୋକାନ ଓ ସପିଂମଲ୍ ଆଗରେ ମନମାନୀ ପାର୍କିଂ କରାଯାଉଥିବାରୁ ଅନେକ ସମୟର ଟ୍ରାଫିକ ସମସ୍ୟା ଲାଗି ରହୁଛି l
