ନୂଆଦିଲ୍ଲୀ,୨୨/୦୨; ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଆଜି ଟି-ଟ୍ୱେଣ୍ଟି ବିଶ୍ୱକପ୍ ୨୦୨୬ର ସୁପର-୮ ମ୍ୟାଚ୍ ଖେଳାଯିବ । ସନ୍ଧ୍ୟା ୭ ଟାରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ ମୁକାବିଲା । ଏହି ମ୍ୟାଚକୁ ନେଇ ସମଗ୍ର ଦେଶ ଉତ୍ସାହିତ । ଆଜିର ମ୍ୟାଚ୍ ଶ୍ରେଷ୍ଠ ବିପକ୍ଷରେ ଶ୍ରେଷ୍ଠଙ୍କ ମଧ୍ୟରେ ଲଢ଼େଇ ହେବ । କୁହାଯାଉଛି ଯେ ଆଜିର ମ୍ୟାଚ୍ ଜିତିଥିବା ଦଳ ହିଁ ଟି-ଟ୍ୱେଣ୍ଟି ବିଶ୍ୱକପ୍ ଟାଇଟଲ୍ ଜିତିପାରିବ । ଉଭୟ ଦଳରେ ମ୍ୟାଚ୍ ବିଜେତା ଯେଉଁମାନେ ନିଜ ଦମଦାର ଖେଳରେ ମ୍ୟାଚ୍କୁ ପଲଟାଇ ଦେଇପାରିବେ । ତେଣୁ, ଆସନ୍ତୁ ଜାଣିବା ସେହି ଖେଳାଳିମାନଙ୍କ ବିଷୟରେ ଯେଉଁମାନେ ଏହି ମ୍ୟାଚ୍ରେ ଭାରତ ପାଇଁ ସବୁଠାରୁ ବଡ଼ ବିପଦ ସାବ୍ୟସ୍ତ ହୋଇପାରନ୍ତି । ତେବେ କିଏ ସେହି ପ୍ଲେୟାର । ମାର୍କୋ ଜାନସେନ୍ ନା ଆଡେନ୍ ମାରକ୍ରମ ।
ମାର୍କୋ ଜାନସେନ୍- ଟିମ୍ ଇଣ୍ଡିଆ ପାଇଁ ସବୁଠାରୁ ବଡ଼ ବିପଦ ମାର୍କୋ ଜାନସେନ୍ । ଜାନସେନ୍ ଟି-୨୦ ବିଶ୍ୱକପ୍ରେ ଏପର୍ଯ୍ୟନ୍ତ ୩ଟି ଇନିଂସରେ ୧୬.୦୦ ହାରରେ ୭ଟି ୱିକେଟ୍ ନେଇଛନ୍ତି । ତାଙ୍କର ବୋଲିଂ ଭାରତୀୟ ବ୍ୟାଟରଙ୍କ ପାଇଁ ଏକ ଚ୍ୟାଲେଞ୍ଜ ସୃଷ୍ଟି କରିପାରେ । ଜାନସେନ୍ ଜଣେ ବାମହାତୀ ଦ୍ରୁତ ବୋଲର ଯାହାଙ୍କ ପାଖରେ ବଲ୍କୁ ଉଭୟ ପାର୍ଶ୍ୱରେ ସ୍ୱିଙ୍ଗ୍ କରିବାର କ୍ଷମତା ରହିଛି । ଜାନସେନ୍ଙ୍କ ବୋଲିଂ ମଧ୍ୟ ସ୍ୱିଙ୍ଗ୍ କରେ ଏବଂ ସେ ଛୋଟ ଡେଲିଭରି ସହିତ ୱିକେଟ୍ ନେବାରେ ପାରଙ୍ଗମ । ତାଙ୍କର ଉଚ୍ଚତା ଯୋଗୁଁ, ଡେଲିଭରି ପଛରୁ ଅତିରିକ୍ତ ବାଉନ୍ସ ମଧ୍ୟ ସୃଷ୍ଟି କରେ, ଯାହା ବ୍ୟାଟରଙ୍କ ପାଇଁ ସଠିକ୍ ସଟ୍ ମାରିବା କଷ୍ଟକର ହୁଏ । ତେଣୁ, ଆଜିର ମ୍ୟାଚ୍ରେ ସମସ୍ତଙ୍କ ନଜର ମାର୍କୋ ଜାନସେନ୍ଙ୍କ ଉପରେ ରହିବ ।
ଏହା ବି ପଢନ୍ତୁ...'ଭାରତଠାରୁ ହାରିବା କଥା ଭାବିଲେ କଷ୍ଟ ହୁଏ'; ସାଉଥ୍ ଆଫ୍ରିକାର ଷ୍ଟାର ଖୋଲିଲେ ଦଳର ସିକ୍ରେଟ୍
ଆଡେନ୍ ମାରକ୍ରମ - ଅନ୍ୟପକ୍ଷରେ, ଆଡେନ୍ ଆଡେନ୍ ମାରକ୍ରମ ତାଙ୍କ ବ୍ୟାଟିଂ ଦ୍ୱାରା ମ୍ୟାଚ୍ର ମୋଡ଼ ବଦଳାଇ ପାରିବେ । ସେ ଟି-୨୦ ବିଶ୍ୱକପ୍ରେ ୪ଟି ଇନିଂସରେ ୫୯.୩୩ ହାରରେ ୧୭୮ ରନ୍ କରିଛନ୍ତି, ଯେଉଁଥିରେ ୨ଟି ଅର୍ଦ୍ଧଶତକ ମଧ୍ୟ ରହିଛି। ମାରକ୍ରମ ଦମଦାର ଫର୍ମରେ ଅଛନ୍ତି, ଏବଂ ତାଙ୍କର ବ୍ୟାଟିଂ ଭାରତୀୟ ପିଚ୍ରେ ଭାରତ ପାଇଁ ବିପଦ ସୃଷ୍ଟି କରିପାରେ । ପୂର୍ବତନ ଭାରତୀୟ ଦ୍ରୁତ ବୋଲର ବରୁଣ ଆରୋନ୍ ବିଶ୍ୱାସ କରନ୍ତି ଯେ,ମାରକ୍ରମଙ୍କ ପାଖରେ ଭାରତର ସବୁଠାରୁ ମୂଲ୍ୟବାନ ଅସ୍ତ୍ର ଜସପ୍ରିତ ବୁମରାହଙ୍କୁ ମୁକାବିଲା କରିବାର କୌଶଳ ଅଛି । ମୋ ପାଇଁ, ଆଡେନ୍ ମାରକ୍ରମ ସବୁଠାରୁ ବିପଜ୍ଜନକ ବ୍ୟାଟର । ଭାରତୀୟ ବୋଲରମାନଙ୍କୁ ତାଙ୍କଠାରୁ ସତର୍କ ରହିବାକୁ ପଡିବ ।''
