ମୁମ୍ୱାଇ,୧୫/୦୧: ବହୁ ପ୍ରତୀକ୍ଷିତ ଫିଲ୍ମ "ମର୍ଦାନୀ ୩"ର ଟ୍ରେଲର ରିଲିଜ ହୋଇଯାଇଛି । ଅଭିନେତ୍ରୀ ରାନୀ ମୁଖାର୍ଜୀ ଶିବାନୀ ଶିବାଜୀ ରୟ ଭାବେ ନଜର ଆସିଛନ୍ତି। ଫିଲ୍ମରେ ସେ ଯୁବତୀମାନଙ୍କୁ ଅପହରଣ କରୁଥିବା ଏକ ମାନବ ଚାଲାଣକାରୀ ଦଳକୁ ଧରିବାକୁ ପ୍ରସ୍ତୁତ । ତେବେ ଟ୍ରେଲରରେ ରାନୀଙ୍କ ସହିତ ଫିଲ୍ମର ଖଳନାୟକ ଅମ୍ମା ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ଯାହାକୁ ଅଭିନୟ କରିଛନ୍ତି ଅଭିନେତ୍ରୀ ମଲ୍ଲିକା ପ୍ରସାଦ।
ତେବେ ମଲ୍ଲିକା ପ୍ରସାଦ ନ୍ୟାସନାଲ ସ୍କୁଲ ଅଫ୍ ଡ୍ରାମାର ଜଣେ ପୂର୍ବତନ ଛାତ୍ର ଏବଂ ବହୁମୁଖୀ କାହାଣୀ କହିବାରେ ବିଶେଷଜ୍ଞ। ସେ ବେଙ୍ଗାଲୁରୁରେ ଜନ୍ମଗ୍ରହଣ କରିଥିବା ବେଳେ ଚିନ୍ତାଶୀଳ ଭାବରେ ତାଙ୍କର କ୍ୟାରିଅର ଗଢ଼ିଛନ୍ତି । ସେ ଜଣେ ଅଭିନେତ୍ରୀ, ନିର୍ଦ୍ଦେଶକ, ଶିକ୍ଷୟିତ୍ରୀ ଏବଂ ମଞ୍ଚ ପ୍ରଦର୍ଶକ। ସିନେମାରେ ପରିଚିତି ପାଇବାର ବହୁ ପୂର୍ବରୁ, ସେ ଆଞ୍ଚଳିକ ସିନେମା ଏବଂ ରଙ୍ଗମଞ୍ଚରେ ନିଜର ଛାପ ଛାଡ଼ି ସାରିଥିଲେ । ୧୯୯୯ ମସିହାରେ "କାନୁରୁ ହେଗାଡିଥି" ଚଳଚ୍ଚିତ୍ର ମାଧ୍ୟମରେ ଡେବ୍ୟୁ କରିଥିଲେ ଏବଂ ୨୦୦୧ ମସିହାରେ "ଗୁପ୍ତଗାମିନି" ରେ ମୁଖ୍ୟ ଭୂମିକାରେ ଅଭିନୟ କରିଥିଲେ । ବିଭିନ୍ନ ଇଣ୍ଡଷ୍ଟ୍ରିରେ କାମ କରିବା ସହ ସେ କୋଙ୍କଣା ସେନ ଶର୍ମା ଏବଂ ମନୋଜ ବାଜପେୟୀ ଅଭିନୀତ ସମୀକ୍ଷକଙ୍କ ଦ୍ୱାରା ପ୍ରଶଂସିତ ଧାରାବାହିକ "କିଲର୍ ସୁପ୍" ରେ ଅଭିନୟ କରିଥିଲେ । ସେ ଅନୁରାଗ କଶ୍ୟପଙ୍କ ଫିଲ୍ମ "ଅଲମୋଷ୍ଟ ପ୍ୟାର୍" ରେ ମଧ୍ୟ କାମ କରିଥିଲେ ।
ମଲ୍ଲିକା ଏହି ଭୂମିକାକୁ ତାଙ୍କ କ୍ୟାରିଅରର ସବୁଠାରୁ ଗୁରୁତ୍ୱପୂର୍ଣ୍ଣ ଅଭିଜ୍ଞତା ମଧ୍ୟରୁ ଗୋଟିଏ ବୋଲି ବର୍ଣ୍ଣନା କରିଛନ୍ତି । ଆମ୍ମା ଚରିତ୍ର ନେଇ ସେ ଲେଖିଛନ୍ତି, ଏହି ଭୂମିକା ପାଇଁ ସଚ୍ଚୋଟତା ଏବଂ ଭାବପ୍ରବଣ ସାହସ ଆବଶ୍ୟକ । ଅମ୍ମା ତାଙ୍କୁ ଅନେକ ପ୍ରକାରେ ଚ୍ୟାଲେଞ୍ଜ କରିଥିଲେ । ସେ ୟଶ ରାଜ ଫିଲ୍ମସ୍ ଏବଂ ଆଦିତ୍ୟ ଚୋପ୍ରାକୁ ମଧ୍ୟ ଧନ୍ୟବାଦ ଜଣାଇଥିଲେ ଯେ ସେମାନେ ତାଙ୍କୁ କୌଣସି ସୀମାବଦ୍ଧତା ବିନା ଅମ୍ମା ଭୂମିକା ନିର୍ବାହ କରିବାକୁ ସ୍ୱାଧୀନତା ଦେଇଥିଲେ । ତା’ପରେ ସେ ରାନୀ ମୁଖାର୍ଜୀଙ୍କ ଦ୍ୱାରା ଶିବାନୀ ଶିବାଜୀ ରୟଙ୍କ ଚରିତ୍ରକୁ ପ୍ରଶଂସା କଲେ ଏବଂ ପ୍ରତିଦିନ ପ୍ରତିକୂଳତା ଏବଂ ଅପରାଧ ସହ ଲଢ଼ିଥିବା ପ୍ରକୃତ ମହିଳାମାନଙ୍କୁ ମନେ ପକାଇଲେ । ପ୍ରକାଶ ଥାଉକି, ଅଭିରାଜ ମିନାୱାଲାଙ୍କ ନିର୍ଦ୍ଦେଶିତ, ମର୍ଦ୍ଦାନୀ ୩ ଜାନୁଆରୀ ୩୦ ତାରିଖରେ ସାରା ବିଶ୍ୱରେ ମୁକ୍ତିଲାଭ କରିବାକୁ ଯାଉଛି ।
