ଭୁବନେଶ୍ୱର ୨୪/୧୦: ଆରମ୍ଭ ହୋଇଗଲାଣି ତୁହାକୁ ତୁହା ବର୍ଷା । ଧାମରାରୁ ଭିତରକନିକା ତଳଚୁଆ, ପେଣ୍ଠ ଓ ବତିଘର । ଭଦ୍ରକ ଓ କେନ୍ଦ୍ରାପଡ଼ା ଜିଲ୍ଲାର ଏହିସବୁ ଅଞ୍ଚଳରେ ଆଜିଠୁ ଡରାଇଲାଣି ବାତ୍ୟାର ପୂର୍ବାଭାସ । କାରଣ ବଳ ଗୋଟାଇ ଉପକୂଳ ମୁହାଁ ଭୀଷଣ ବାତ୍ୟା 'ଦାନା' । ଘଣ୍ଟାପ୍ରତି ୧୫ କିମି ବେଗରେ ଉପକୂଳ ଆଡ଼କୁ ମାଡ଼ି ଆସୁଛି ବାତ୍ୟା । ତେବେ ଏହି ବାତ୍ୟାର ନାଁ ‘ଦାନା’ କିଏ ଆଉ କାହିଁକି ଦେଇଛି । ଆସନ୍ତୁ ଜାଣିବା ସେ ବିଷୟରେ..
ଏହି ଦାନା ନାମକରଣ କାତାର ଦେଶ ପକ୍ଷରୁ କରାଯାଇଛି । କାରଣ ବାତ୍ୟା ସୃଷ୍ଟି ହେଲେ କୌଣସି ଦେଶ ପକ୍ଷରୁ ଏହାର ନାମକରଣ ହୁଏ । ଆରବୀ ଭାଷାରେ ଦାନାର ଅର୍ଥ ନିଖୁଣ ଓ ମୂଲ୍ୟବାନ ମୋତି । ପ୍ରକାଶ ଥାଉକି, ଏହାପୂର୍ବରୁ ମଧ୍ୟ ବାତ୍ୟାର ବିଭିନ୍ନ ନାମକରଣ ହୋଇଛି । ୧୯୯୯ ମହାବାତ୍ୟା ପରେ ୨୦୧୩ରେ ଆସିଥିବା ବାତ୍ୟାର ନାଁ ଫାଇଲିନ, ୨୦୧୪ରେ ହୁଡ୍ହୁଡ୍, ୨୦୧୬ରେ ତିତ୍ଲି, ୨୦୧୮ରେ ଡାଏ, ୨୦୧୯ରେ ଫନି, ୨୦୨୦ରେ ଅମ୍ପନ୍, ୨୦୨୧ରେ ଗୁଲାବ, ୨୦୨୧ରେ ଜୱାଦ, ୨୦୨୧ରେ ୟାସ୍ ଓ ୨୦୨୨ରେ ଆସିଥିବା ବାତ୍ୟାର ନାଁ ଆସାନୀ ରହିଥିଲା ।
