ବେଲଗୁଣ୍ଠା,୧୩/୦୭ : ଗତ ଜୁଲାଇ ୪ ତାରିଖରେ ବେଲଗୁଣ୍ଠା ବ୍ଳକ୍ ବଡ଼ ବୋର୍ସିଂ ଅଞ୍ଚଳରେ ଦୁର୍ଘଟଣାର ଶିକାର ହୋଇଥିବା ଜଣେ ମହିଳା ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ମୃତ ମହିଳା ଜଣକ ହେଲେ ସାନବୋର୍ସିଂ ଗ୍ରାମର ଧୋବଣୀ ସ୍ୱାଇଁ।

ପିଙ୍କିଙ୍କ ଅଭିଯୋଗ ପ୍ରକାରେ ତାଙ୍କ ମାଆ ସାନବୋର୍ସିଂ ଗ୍ରାମର ଧୋବଣୀ ସ୍ୱାଇଁ ଗତ ଚାରି ତାରିଖରେ କୌଣସି କାମରେ ବଡ଼ବୋର୍ସିଂ ସ୍ଥିତ ଉତ୍କଳ ଗ୍ରାମ୍ୟ ବ୍ୟାଙ୍କ୍ କୁ ଯାଇଥିଲେ I ସେଠାରେ ଧୋବଣୀ ନିଜ କାମ ସାରି ରାସ୍ତାକୁ ଆସିବା ସମୟରେ ସୋରଡା ପଟୁ ଏକ ଟାଟା ମ୍ୟାଜିକ୍  ଗାଡ଼ି ଦ୍ରୁତ ଗତିରେ ଆସି ଧୋବଣୀଙ୍କୁ ଧକ୍କା ଦେଇଥିଲା I ଫଳରେ ଧୋବଣୀ ତଳେ ଛିଟିକି ପଡ଼ିବାରୁ ତାଙ୍କର ହାତଗୋଡ଼ରେ ଆଘାତ ଲାଗିବା ସହ ମୁଣ୍ଡରେ ଗଭୀର ଆଘାତ ଲାଗିଥିଲା I ତାଙ୍କୁ ପ୍ରଥମେ ଭଞ୍ଜନଗର ମେଡିକାଲ୍ ରେ ଭର୍ତ୍ତି କରାଯାଇ ସେଠାରୁ ବ୍ରହ୍ମପୁର ବଡ଼ ମେଡିକାଲ୍ କୁ ସ୍ଥାନାନ୍ତର କରାଯାଇଥିଲା I କିନ୍ତୁ ସେଠାରେ ମଧ୍ୟ ଧୋବଣୀଙ୍କ ସ୍ୱାସ୍ଥ୍ୟ ଅବସ୍ଥାରେ କୌଣସି ସୁଧାର ନ ଆସିବାରୁ ତାଙ୍କୁ ଭୁବନେଶ୍ୱର ଏମ୍ସ୍ ରେ ଭର୍ତ୍ତି କରାଯାଇଥିଲା I ସେଠାରୁ ଏକ ଘରୋଇ ହସ୍ପିଟାଲକୁ ଧୋବଣୀଙ୍କୁ ନିଆଯାଇଥିଲା I ସେଠାରେ ଚିକିତ୍ସାଧୀନ ଅବସ୍ଥାରେ ରବିବାର ଧୋବଣୀଙ୍କ ମୃତ୍ୟୁ ଘଟିଥିଲା I ଏନେଇ ଗାଙ୍ଗପୁର ଥାନାରେ ଏକ ମାମଲା ୠଜୁକରି   ଏଏସ୍ଆଇ ପି କେ ଗାଣ୍ଟl ଘଟଣାର ତଦନ୍ତ କରୁଥିବା ଗାଙ୍ଗପୁର ଥାନା ଅଧିକାରୀ ବନବିହାରୀ ପ୍ରଧାନ କହିଛନ୍ତି। ଭୁବନେଶ୍ୱରରେ ଧୋବଣୀଙ୍କ ଶବ ବ୍ୟବଚ୍ଛେଦ ପରେ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି I