ବାଉଁଶୁଣୀ,୧୪/୭(ଆପ୍ର): ରବିବାର ରାତ୍ର ୯ ଘଣ୍ଟା ସମୟରେ ବାଉଁଶୁଣୀ କଲେଜ ନିକଟରୁ ମହିଳାଙ୍କ ବେକରୁ ସୁନା ଚେନ୍, ମଙ୍ଗଳ ସୂତ୍ର ଲୁଟ୍ ମାମଲାର ଅଭିଯୋଗ ହେବା ପରେ ତଦନ୍ତ ଆରମ୍ଭ କରିଛି ବାଉଁଶୁଣୀ ପୋଲିସ l 

ସୂଚନା ମୁତାବକ, ରବିବାର ସନ୍ଧ୍ୟାରେ ତାଲସରଡା ଗ୍ରାମ ପଞ୍ଚାୟତ ବସ୍ତମପୁର ଗ୍ରାମର ଗିରିଶ ଚନ୍ଦ୍ର ଦାଶ ନିଜ ପତ୍ନୀଙ୍କ ସହ ଏକ ବାଇକ ଯୋଗେ ସୋନପୁରରୁ ନିଜ ଘରକୁ ଫେରୁଥିବା ସମୟରେ ବାଉଁଶୁଣୀ କଲେଜ ହମ୍ପ୍ସ୍ ନିକଟରେ ଜଣେ ଦୁର୍ବୃତ୍ତ ତାଙ୍କ ପତ୍ନୀଙ୍କ ବେକରେ ପିନ୍ଧିଥିବା ସୁନା ଚେନ୍, ମଙ୍ଗଳ ସୂତ୍ର ଓ ଭ୍ୟlନିଟି ବେଗ ଟାଣି ନେଇ ଏକ ପଲସର୍ ବାଇକ ଯୋଗେ ଚାଲି ଯାଇଥିଲେ l 

ଏହାପରେ ଦମ୍ପତ୍ତି ଦ୍ୱୟ ଜୋରରେ ପାଟି କରିଥିଲେ। ସେମାନଙ୍କ ପାଟି ଶୁଣି ସ୍ଥାନୀୟ ଲୋକେ ଲୁଟେରାକୁ ଗୋଡ଼ାଇ ଦନ୍ତାପାଲି ଛକ ନିକଟରେ କାବୁ କରି ପୁଲିସରେ ଜିମା ଦେଇଥିଲେ l ଆଜି ଏ ସମ୍ପର୍କରେ ଲିଖିତ ଅଭିଯୋଗ ହେବା ପରେ ବାଉଁଶୁଣୀ ପୁଲିସ ଜଣେ ଲୁଟେରାକୁ ଥାନାରେ ଅଟକ ରଖି ତଦନ୍ତ କରୁଥିବା ଜଣାପଡିଛି।