ନୂଆଦିଲ୍ଲୀ,୧୭/୦୪; ସଂସଦ ଓ ବିଧାନସଭାରେ ମହିଳାଙ୍କୁ ୩୩ ପ୍ରତିଶତ ସଂରକ୍ଷଣ ଦେବା ଲାଗି ଉଦ୍ଦିଷ୍ଟ ମହିଳା ସଂରକ୍ଷଣ ଆଇନ ୨୦୨୩ ଲାଗୁ ହୋଇଛି । କେନ୍ଦ୍ର ଆଇନ ମନ୍ତ୍ରଣାଳୟ ପକ୍ଷରୁ ଗୁରୁବାର ଏ ସଂକ୍ରାନ୍ତରେ ବିଜ୍ଞପ୍ତି ଜାରି କରାଯାଇଛି । ତେବେ ସଂସଦରେ ଏହି ଆଇନରେ ସଂଶୋଧନକୁ ନେଇ ଚର୍ଚ୍ଚା ଚାଲି ଥିଲା ବେଳେ ସରକାର ଏହାକୁ ଗୁରୁବାର ରାତି ଅଧିଆ କାହିଁକି ଲାଗୁ କରିଛନ୍ତି ତାହା ସ୍ପଷ୍ଟ ହୋଇନାହିଁ ।
ସରକାରଙ୍କ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି ଯେ ସମ୍ବିଧାନ (୧୦୬ତମ) ସଂଶୋଧନ ଆଇନ ୨୦୨୩ର ଧାରା ୧ (୨) ଅନୁସାରେ କେନ୍ଦ୍ର ସରକାର ୨୦୨୬ ଏପ୍ରିଲ ୧୬ ତାରିଖରୁ ଏହି ଆଇନ କାର୍ଯ୍ୟକାରୀ କରିବାର ତାରିଖ ଧାର୍ଯ୍ୟ କରିଛନ୍ତି । ୨୦୨୩ ସେପ୍ଟେମ୍ବରରେ ସଂସଦରେ ନାରୀ ଶକ୍ତି ବନ୍ଦନ ଅଧିନିୟମ ଗୃହୀତ ହୋଇଥିଲା । ଯାହା ମହିଳା ସଂରକ୍ଷଣ ଆଇନ ନାମରେ ପରିଚିତ । ମହିଳାଙ୍କ ଭାଗିଦାରୀ ବଢ଼ାଇବା ଏହି ଆଇନ ଅନୁସାରେ ଏକ ବଡ ପଦକ୍ଷେପ । ଏହି ଆଇନ ଅନୁସାରେ ଲୋକସଭା ଓ ରାଜ୍ୟ ବିଧାନସଭାରେ ମହିଳାଙ୍କ ଲାଗି ୩୩ ପ୍ରତିଶତ ସ୍ଥାନ ସଂରକ୍ଷଣ କରାଯିବ । ତେବେ ଏହି ଆଇନ ଅନୁସାରେ ସଂରକ୍ଷଣର ଲାଭ ୨୦୨୯ ପୂର୍ବରୁ ମିଳିପାରିବ ନାହିଁ ।
ଏହା ବି ପଢନ୍ତୁ...‘ସାସ୍-ବହୁ ଓ୍ବାଲି ତୋ ହାର ଗୟି’... ଅଖିଳେଶଙ୍କ କଟାକ୍ଷ ଉପରେ ଦମ୍ଦାର ଜବାବ୍ ଦେଲେ ସ୍ମୃତି ଇରାନୀ, କହିଲେ- ନିଜ ଦମ୍ରେ...
କାରଣ ଏହାକୁ ୨୦୨୭ ଜନଗଣନା ପରେ ହେବାକୁ ଥିବା ସୀମା ପୁନଃନିର୍ଦ୍ଧାରଣ ପ୍ରକ୍ରିୟା ସହିତ ଯୋଡ଼ାଯାଇଛି । ବର୍ତ୍ତମାନ ଲୋକସଭାରେ ଯେଉଁ ୩ ବିଲ୍ ଉପରେ ଚର୍ଚ୍ଚା ଚାଲିଛି ତାର ଉଦ୍ଦେଶ୍ୟ ମହିଳା ସଂରକ୍ଷଣ ୨୦୨୯ରେ ଲାଗୁ କରିବା । ସରକାରୀ ତଥ୍ୟ ଅନୁସାରେ ଆଇନ ଲାଗୁ ହେବା ସତ୍ତେ୍ୱ ବର୍ତ୍ତମାନ ଲୋକସଭାରେ ଏହି ସଂରକ୍ଷଣକୁ କାର୍ଯ୍ୟକାରୀ କରାଯାଇପାରିବ ନାହିଁ । କାରଣ ସଂରକ୍ଷଣ ଲାଗୁ କରିବାକୁ ହେଲେ ପରବର୍ତ୍ତୀ ଜନଗଣନା ଆଧାରରେ ସୀମା ପୁନଃନିର୍ଦ୍ଧାରଣ ପ୍ରକ୍ରିୟା ଶେଷ ହେବା ଜରୁରି । ଆଇନ ରହିଥିବା ବ୍ୟବସ୍ଥା ଅନୁସାରେ ୨୦୩୪ ପୂର୍ବରୁ ସଂରକ୍ଷଣ ଲାଗୁ ସମ୍ଭବପର ନଥିଲା । କିନ୍ତୁ ସରକାର ୨୦୨୯ରେ ଏହାକୁ ଲାଗୁ କରିବା ଲାଗି ସଂଶୋଧନ ଆଣୁଛନ୍ତି ।
ମହିଳା ସଂରକ୍ଷଣ ଆଇନ କାର୍ଯ୍ୟକାରୀ କରିବା ଏବଂ ଏକ ସୀମା ନିର୍ଦ୍ଧାରଣ କମିଶନ ପ୍ରତିଷ୍ଠା କରିବା ପାଇଁ ଉଦ୍ଦିଷ୍ଟ ତିନୋଟି ବିଲ୍ ଉପରେ ଲୋକସଭା ଭୋଟ୍ ଦେବାକୁ ଯାଉଛି । ଅନ୍ୟପକ୍ଷରେ, ଗୁରୁବାର ବିଳମ୍ବିତ ରାତି ପର୍ଯ୍ୟନ୍ତ ଚାଲିଥିବା ବିତର୍କ ମଧ୍ୟରେ ଦେଶବ୍ୟାପୀ ମହିଳା ସଂରକ୍ଷଣ ଆଇନ କାର୍ଯ୍ୟକାରୀ ହୋଇଛି । ଗୁରୁବାର ବିଳମ୍ବିତ ରାତି ପର୍ଯ୍ୟନ୍ତ ସଂସଦରେ ମହିଳା ସଂରକ୍ଷଣ ବିଲ୍ ଉପରେ ଆଲୋଚନା ହୋଇଥିଲା । ଲୋକସଭାରେ ନାରୀ ଶକ୍ତି ବନ୍ଦନ ଆଇନ ଉପରେ ଆଲୋଚନା ଜାରି ରହିଥିବା ବେଳେ, କେନ୍ଦ୍ର ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇ ଲୋକସଭା ଏବଂ ରାଜ୍ୟ ବିଧାନସଭାରେ ମହିଳାଙ୍କ ପାଇଁ ୩୩ ପ୍ରତିଶତ ସଂରକ୍ଷଣ ପ୍ରଦାନ କରୁଥିବା ମହିଳା ସଂରକ୍ଷଣ ଆଇନ ୨୦୨୩କୁ ଗୁରୁବାର ରାତିଆଧିଆ କାର୍ଯ୍ୟକାରୀ କରିଛନ୍ତି ।
ମହିଳା ସଂରକ୍ଷଣ ଆଇନ କ’ଣ ? ବିଜ୍ଞପ୍ତି ଅନୁଯାୟୀ, ସମ୍ବିଧାନ (୧୦୬ତମ ସଂଶୋଧନ) ଆଇନ, ୨୦୨୩ର ଧାରା ୧ର ଉପ-ଧାରା (୨) ଦ୍ୱାରା ପ୍ରଦତ୍ତ କ୍ଷମତା ବ୍ୟବହାର କରି, କେନ୍ଦ୍ର ସରକାର ଏପ୍ରିଲ ୧୬, ୨୦୨୬କୁ ଉକ୍ତ ଆଇନର ବ୍ୟବସ୍ଥା କାର୍ଯ୍ୟକାରୀ ହେବାର ତାରିଖ ଭାବରେ ଘୋଷଣା କରିଛନ୍ତି। ଏହି ଆଇନ ଲୋକସଭା ଏବଂ ରାଜ୍ୟ ବିଧାନସଭାଗୁଡ଼ିକରେ ମହିଳାଙ୍କ ପାଇଁ ଏକ ତୃତୀୟାଂଶ ଆସନ ସଂରକ୍ଷଣ ପାଇଁ ବ୍ୟବସ୍ଥା କରେ । ୨୦୨୩ ଆଇନ ଅନୁଯାୟୀ ସଂରକ୍ଷଣ ୨୦୩୪ ପୂର୍ବରୁ କାର୍ଯ୍ୟକାରୀ ହୁଏ ନାହିଁ, କାରଣ ଏହା ୨୦୨୭ ଜନଗଣନା ପରେ ସୀମା ନିର୍ଦ୍ଧାରଣ ପ୍ରକ୍ରିୟା ସମାପ୍ତ ହେବା ସହିତ ଜଡିତ ।
