ନୂଆଦିଲ୍ଲୀ,୧୧/୦୫: ଆୟୋଜକ ଶ୍ରୀଲଙ୍କା ଓ ଭାରତ ମଧ୍ୟରେ ମହିଳା ତ୍ରିରାଷ୍ଚ୍ରୀୟ ସିରିଜ୍ର ଫାଇନାଲ ମୁକାବିଲା ଖେଳାଯାଉଛି । ଏଥିରେ ପ୍ରଥମେ ବ୍ୟାଟିଂ କରି ଭାରତ ୭ ୱିକେଟ ହରାଇ ୩୪୨ରନ କରିଛି । ଉପ ଅଧିନାୟିକା ସ୍ମୃତି ମାନ୍ଧନା ଶତକୀୟ ପାଳି ଖେଳିଛନ୍ତି । ୧୦୧ ବଲରେ ୧୧୬ରନ୍ର ଧୂଆଁଧାର ଇନିଂସ ଖେଳିଛନ୍ତି ସ୍ମୃତି ମାନ୍ଧାନା । ଶ୍ରୀଲଙ୍କା ଆଗରେ ୩୪୩ରନ୍ର ବିଜୟ ଲକ୍ଷ୍ୟ ରହିଛି । ଶ୍ରୀଲଙ୍କା ପକ୍ଷରୁ ଏସ୍ କୁମାରୀ ୫୯ ରନ୍ ଦେଇ ସର୍ବାଧିକ ୨ଟି ୱିକେଟ ନେଇଛନ୍ତି ।
ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଭାରତ । ଉପ-ଅଧିନାୟିକ ସ୍ମୃତି ମାନ୍ଧାନା ଓ ପ୍ରତିକା ରାୱଲ ଓପନିଂ କରିଥିଲେ । ଦୁହେଁ ଧୂଆଁଧାର ଆରମ୍ଭ କରିଥିଲେ । ଦଳୀୟ ସ୍କୋର ୭୦ରେ ଭାରତର ପ୍ରଥମ ୱିକେଟ ପତନ ହୋଇଥିଲା । ପ୍ରତିକା ୪୯ ବଲରେ ୩୦ରନ କରି ଆଉଟ୍ ହୋଇଥିଲେ । ସ୍ମୃତି ମାନ୍ଧାନା ଓ ହରର୍ଲିନ ଦେଓଲ ଧୂଆଁଧାର ଇନିଂସ ଖେଳି ଦଳୀୟ ସ୍କୋରକୁ ଆଗକୁ ନେଇଥିଲେ । ଶ୍ରୀଲଙ୍କା ବୋଲଙ୍କୁ ନାକରେ ପାଣି ପିଆଇଥିଲେ । ଦଳୀୟ ସ୍କୋର ୧୯୦ରେ ଭାରତର ଦ୍ୱିତୀୟ ୱିକେଟ ପତନ ହୋଇଥିଲା । ୧୦୧ ବଲରେ ୧୧୬ ରନ୍ର ଇନିଂସ ଖେଳି ଆଉଟ ହୋଇଥିଲେ ସ୍ମୃତି ମାନ୍ଧାନା । ଏହା ସ୍ମୃତିଙ୍କ ୧୧ତମ ଦିନିକିଆ ଶତକ । ଏହାପରେ ଅଧିନାୟକ ହର୍ମନପ୍ରୀତ କ୍ରିଜରେ ଯୋଗ ଦେଇଥିଲେ । ହର୍ଲିନ ଦେଓଲ ୪୭ରନ କରି ଆଉଟ୍ ହୋଇଥିଲେ ।
3⃣4⃣2⃣/7⃣
— BCCI Women (@BCCIWomen) May 11, 2025
🔹 India's fifth highest total in women's cricket 👌
🔹 India's highest total against Sri Lanka in Sri Lanka in women's cricket 🙌
An excellent batting display by #TeamIndia in the #WomensTriNationSeries2025 Final 👏
Scorecard ▶️ https://t.co/rVyie6SUw9#INDvSL pic.twitter.com/bBgLwrXi4R
ଅଧିକ ପଢନ୍ତୁ...ଖେଳପ୍ରେମୀଙ୍କ ପାଇଁ ଖୁସି ଖବର ; ଭାରତ- ପାକିସ୍ତାନ ଉତ୍ତେଜନା ବନ୍ଦ ହେବା ପରେ ଆରମ୍ଭ ହେବ IPL !
ଏହାପରେ ହର୍ମନପ୍ରୀତ ଓ ଜେମିମା ରୋଡ୍ରିଗ୍ସ ପାଳି ସମ୍ଭାଳିଥିଲେ । ଦଳୀୟ ସ୍କୋର ୨୬୭ରେ ୪୧ରନ କରି ହର୍ମନପ୍ରୀତ ସୁଗାନ୍ଦିକା କୁମାରୀଙ୍କ ବଲରେ ଆଉଟ୍ ହୋଇଥିଲେ । ପରେ ପରେ ରିଚା ଘୋଷ ୮ ରନ୍, ଜେମିମା ୪୪ ଓ ଅନଲଜୋତ ୧୮ରନ୍ କରି ଆଉଟ୍ ହୋଇଥିଲେ । ନିର୍ଦ୍ଧାରିତ ୫୦ ଓଭରରେ ଭାରତ ୭ ୱିକେଟ ହରାଇ ୩୪୨ରନ କରିଥିଲା । ବିପକ୍ଷ ଶ୍ରୀଲଙ୍କାକୁ ୩୪୩ରନ୍ର ଟାର୍ଗେଟ ମିଳିଛି ।
