ନୂଆଦିଲ୍ଲୀ, ୩୧।୧୦: ଜନ ରେନି ନାମକ ଭିଡିଓଗ୍ରାଫର ବିଶ୍ୱର ସବୁଠାରୁ ବଡ଼, ଲମ୍ବା ଏବଂ ଓଜନିଆ ଜେଲିଫିସର ଏକ ଆଶ୍ଚର୍ଯ୍ୟଜନକ ଭିଡିଓ କଏଦ କରିଛନ୍ତି । ଉତ୍ତର ଆମେରିକାର ପଶ୍ଚିମ ଉପକୂଳରେ ଅବସ୍ଥିତ ସାଲିସ୍ ସାଗରରେ ଦେଖାଯାଇଥିବା ଲାୟନ୍ସ ମାନେ ଜେଲିଫିସ୍ର ଏକ ଭିଡିଓ ଇନଷ୍ଟାଗ୍ରାମରେ ସେୟାର କରିଛନ୍ତି । ଯେଉଁଥିରେ ସେ ଲେଖିଛନ୍ତି, ସେ ସ୍କ୍ୱିଡ୍ ଏବଂ କିଛି ଜେଲିଫିସ୍ର ଭିଡିଓ କଏଦ୍ କରିବାକୁ ଯାଇଥିଲେ । ଡାଇଭିଙ୍ଗ୍ କରିବାର କିଛି ମିନିଟ୍ ପରେ, ସେ ଏକ ଲମ୍ବା, ପତଳା ଟେଣ୍ଟେକଲ୍ ଦେଖିଲେ । ପରେ ସେ ଏହାକୁ ଅନୁସରଣ କରିବା ଆରମ୍ଭ କଲେ ।
ଗୋଟିଏ ମିନିଟ୍ରୁ ଅଧିକ ସମୟ ଯିବା ପରେ ଶେଷରେ ଏକ ବିଶାଳ ଲାୟନ୍ସ ମାନେ ଜେଲିଫିସ୍କୁ ଦେଖିଲେ । ରୋନି କହିଥିଲେ, ଏପର୍ଯ୍ୟନ୍ତ ମିଳିଥିବା ସବୁଠାରୁ ବଡ଼ ଜେଲିଫିସ୍ର ଶରୀର ୭ ଫୁଟ୍ ଚଉଡ଼ା ଏବଂ ଏହାର ଟେଣ୍ଟେକଲ୍ ୧୨୦ ଫୁଟ୍ ପର୍ଯ୍ୟନ୍ତ ଲମ୍ବା । ଏହି ଜେଲିଫିସ୍ ଅନ୍ୟ ମାଛକୁ ଖାଇବା ପାଇଁ ସେମାନଙ୍କର ଟେଣ୍ଟେକଲ୍ ବ୍ୟବହାର କରନ୍ତି । ଜନ ରୋନି କହିଛନ୍ତି ଏହି ଜେଲିଫିସ କମଳା, ବାଇଗଣୀ ଏବଂ ଲାଲ ରଙ୍ଗର । ସ୍ମିଥସୋନିଆନ ନାଚୁରାଲ ହିଷ୍ଟ୍ରି ସଂଗ୍ରହାଳୟ ଅନୁସାରେ, ଏପର୍ଯ୍ୟନ୍ତ ମିଳିଥିବା ସବୁଠାରୁ ବଡ଼ ଲାୟନ୍ସ ମାନେ ଜେଲିଫିସ ୧୨୦ ଫୁ ଲମ୍ବା । ଗିନିଜ୍ ୱାର୍ଲଡ ରେକର୍ଡ ଅନୁଯାୟୀ, ଏଗୁଡ଼ିକ ୧ ଟନ୍ କିମ୍ବା ତା'ଠାରୁ ଅଧିକ ଓଜନ ହୋଇପାରେ ।
