ମୁମ୍ୱାଇ : ଆଜିକା ସମୟରେ ଫିଲ୍ମକୁ ପୁନର୍ବାର ଫିଲ୍ମ ହଲ୍ରେ ରିଲିଜ କରେଇବାର ସିଲସିଲା ଜାରି ରହିଛି। ଏହି କ୍ରମରେ ଏବେ ଏଥିରେ ଆଉ ଏକ ଫିଲ୍ମ ଯୋଡ଼ି ହେବାକୁ ଯାଉଛି। ଭାଲେଣ୍ଟାଇନ୍ ୱିକ୍ରେ ୨୪ ବର୍ଷ ପୁରୁଣା ଏକ ରୋମାଣ୍ଟିକ ଫିଲ୍ମ ପୁଣି ଥରେ ଫିଲ୍ମ ହଲ୍ରେ ହେବାକୁ ଯାଉଛି। ଏହି ଫିଲ୍ମର ନାଁ ‘ୟେ ଦିଲ୍ ଆଶିକାନା’ । ଏହି ଫିଲ୍ମ ୨୦୦୨ ମସିହାର ହିଟ୍ ଫିଲ୍ମ ମଧ୍ୟରୁ ଗୋଟିଏ ଥିଲା। ଫିଲ୍ମର କାହାଣୀ ସହ ଫିଲ୍ମର ମ୍ୟୁଜିକ୍ ମଧ୍ୟ ଚାର୍ଟବଷ୍ଟର ଥିଲା।
ଏହାସହ ମଧ୍ୟ ପଢନ୍ତୁ : ଅରିଜିତଙ୍କ ନିଷ୍ପତ୍ତି ଦେଇଛି ସାହସ , ଶୀଘ୍ର ନେବେ ନିଷ୍ପତ୍ତି : ପାକିସ୍ତାନ ଇଣ୍ଡଷ୍ଟ୍ରୀରେ ମଧ୍ୟ ଚିନ୍ତିତ ସିଙ୍ଗର
କେବେ ରିଲିଜ ହେଉଛି ୨୪ ବର୍ଷ ପୁରୁଣା ଏହି ରୋମାଣ୍ଟିକ ଫିଲ୍ମ –
‘ୟେ ଦିଲ୍ ଆଶିକାନା ’ ୧୩ ଫେବ୍ରୁଆରୀ , ୨୦୨୬ରେ ଫିଲ୍ମ ହଲକୁ ଆସୁଛି। ଫିଲ୍ମକୁ ଆଉ ଥରେ ରିଲିଜ କରିବା ପୂର୍ବରୁ ଫିଲ୍ମର ଏକ ଏଡିଟେଡ୍ ଟ୍ରେଲର ମଧ୍ୟ ରିଲିଜ କରାଯାଇଛି। ଟ୍ରେଲରକୁ ଏଡିଟ୍ କରି ଆଜିର ଅଡିୟାନ୍ସ ହିସାବରେ କରାଯାଇଛି।
କେବେ ରିଲିଜ ହୋଇଥିଲା ‘ୟେ ଦିଲ୍ ଆଶିକାନା ’ –
‘ୟେ ଦିଲ୍ ଆଶିକାନା ’ ୨୦୦୨ ମସିହାରେ ୧୮ ଜାନୁଆରୀରେ ରିଲିଜ ହୋଇଥିଲା। ଫିଲ୍ମର ରନଟାଇମ୍ ୨ ଘଣ୍ଟା ଥିଲା। ଫିଲ୍ମକୁ କୁକୁ କୋହଲି ଡାଇରେକ୍ଟ କରିଥିଲେ। ଫିଲ୍ମର କଳାକାରଙ୍କ କଥା ଯଦି କହିବା ତ ଫିଲ୍ମରେ କରଣ ନାଥ , ଜିବିଧା ଶର୍ମା , ଅରୁଣା ଇରାନୀ , ଜନି ଲିଭର ଓ ରାଜୀବ ବର୍ମାଙ୍କ ଭଳି କଳାକାର ନଜର ଆସିଥିଲେ। ଏହି ଫିଲ୍ମ ୧୬୦ଟି ସ୍କ୍ରିନ୍ରେ ରିଲିଜ ହୋଇଥିଲା।
କେତେ ଥିଲା ଫିଲ୍ମର ବଜେଟ୍ ଓ ଆୟ ?
Boxofficeindia.com ମୁତାବିକ , ‘ୟେ ଦିଲ୍ ଆଶିକାନା ’ର ବଜେଟ୍ ୪.୨୫ କୋଟି ଥିଲା। ଅନ୍ୟପଟେ ,ଭାରତରେ ଫିଲ୍ମର କଲେକ୍ସନ ୧୦.୪୩ କୋଟି ( ଗ୍ରସ୍ କଲେକ୍ସନ) ଥିଲା। ଏହି ଫିଲ୍ମରେ ମ୍ୟୁଜିକ୍ ନଦୀମ-ଶ୍ରବଣ କରିଥିଲେ। ଫିଲ୍ମର ପ୍ଲଟ ଏହିପରି ଥିଲା କି – କରଣ ଓ ପୂଜା ପରସ୍ପରକୁ ପ୍ରେମ କରନ୍ତି। କରଣ ପୂଜାକୁ ଏକ ପ୍ଲେନ୍ ହାଇଜାକ୍ରୁ ଉଦ୍ଧାର କରନ୍ତି। ପରେ ତାକୁ ଜଣାପଡେ ଯେ, ପ୍ଲେନ୍ ହାଇଜାକ କରିଥିବା ବ୍ୟକ୍ତିଙ୍କ ମଧ୍ୟରେ ଜଣେ ପୂଜାର ଭାଇ ଥିଲା। ଏହାପରେ ଫିଲ୍ମର ଡ୍ରାମା ଆରମ୍ଭ ହୁଏ।
