ନୂଆଦିଲ୍ଲୀ,୨୫।୩: କ୍ରିକେଟର ଭଗବାନ ଭାବରେ ଜଣାଶୁଣା ପୂର୍ବତନ ଭାରତୀୟ କ୍ରିକେଟ ଲିଜେଣ୍ଡ ସଚିନ ତେନ୍ଦୁଲକରଙ୍କ ପୁଅ ଅର୍ଜୁନ ତେନ୍ଦୁଲକର, ଆଇପିଏଲ ୨୦୨୬ ରେ ଲକ୍ଷ୍ନୌ ସୁପର ଜାଏଣ୍ଟସ (LSG) ସହିତ ନଜର ଆସିବେ। ଆଗାମୀ ସିଜିନରେ ଅର୍ଜୁନଙ୍କୁ ପ୍ଲେଇଂ ଇଲେଭେନରେ ସାମିଲ କରାଯିବ କି ନାହିଁ ତାହା ଏକ ବଡ଼ ପ୍ରଶ୍ନ ହୋଇ ରହିଛି। ଏହି ସମୟରେ, ପୂର୍ବତନ ଭାରତୀୟ ଖେଳାଳି ଏବଂ ଯୁବରାଜ ସିଂହଙ୍କ ବାପା ଯୋଗରାଜ ସିଂହ କରିଛନ୍ତି ବଡ଼ ଦାବି । ସେ କହିଛନ୍ତି, ମାତ୍ର ଛଅ ମାସ ମଧ୍ୟରେ ଅର୍ଜୁନଙ୍କୁ ବିଶ୍ୱର ସର୍ବଶ୍ରେଷ୍ଠ ବ୍ୟାଟସମ୍ୟାନ କରିପାରିବେ।
ଯୋଗରାଜ କହିଛନ୍ତି, ‘ମୁଁ ସାରା ବିଶ୍ୱକୁ ଚ୍ୟାଲେଞ୍ଜ କରୁଛି ଯେ ଅର୍ଜୁନ ତେନ୍ଦୁଲକର ମୋ ସହିତ ଛଅ ମାସ ବିତାଇଲେ ବିଶ୍ୱର ସମସ୍ତ ବ୍ୟାଟସମ୍ୟାନଙ୍କୁ ପଛରେ ପକାଇଦେବେ। ଟିଭି ସାମ୍ନାରେ ବସି କେହି କହି କଥା ହେଉଛନ୍ତି ଯେ ସେ ଏହା କିମ୍ବା ତାହା କରିପାରିବେ ନାହିଁ। ଏହାର ଉତ୍ତରରେ, ମୁଁ କହୁଛି, 'ତୁମେ କିଏ?' ଯେତେବେଳେ କ୍ରିକେଟରମାନେ ଏପରି କଥା କୁହନ୍ତି, ତାହା ଖୁବ୍ ଆଶ୍ଚର୍ଯ୍ୟଜନକ।’
'ଯଦି ଏହା ନ ହୁଏ, ତେବେ ମୁଁ ମୋ ଦାଢ଼ି କାଟିଦେବି।'
ଯୋଗରାଜ ସିଂହ ଆହୁରି କହିଛନ୍ତି, ‘ଅର୍ଜୁନ ତେନ୍ଦୁଲକର ବିଶ୍ୱର ସବୁଠାରୁ ବିପଦଜନକ ବ୍ୟାଟସମ୍ୟାନ୍ ହୋଇପାରିବେ। ଯଦି କେହି ଏହା କରିପାରିବେ ନାହିଁ, ତେବେ ତାଙ୍କୁ ମୋ ପାଖକୁ ପଠାନ୍ତୁ। ଯଦି ମୁଁ ଏହା କରିପାରିବି ନାହିଁ, ତେବେ ମୁଁ ମୋର ଦାଢ଼ି କାଟିଦେବି।’
ଅର୍ଜୁନ ତେନ୍ଦୁଲକର କିପରି ମହାନ ହେବେ?
ଅର୍ଜୁନଙ୍କୁ ମହାନ କ୍ରିକେଟର ହୋଇପାରିବେ ସେ ନେଇ ଯୋଗରାଜ ସିଂହ କହିଛନ୍ତି, ‘ତାଙ୍କୁ ପ୍ରତିଦିନ ୧୫,୦୦୦ ବଲ୍ ଅଭ୍ୟାସ କରିବାକୁ ପଡିବ। ମୁଁ ତାଙ୍କୁ ସାର୍ ଗାରଫିଲ୍ଡ ସୋବର୍ସଙ୍କ ବର୍ଗରେ ଦେଖେ। ସେ ପ୍ରଥମ ରଣଜୀ ଟ୍ରଫିରେ ନିଜର ପ୍ରଥମ ମ୍ୟାଚ୍ରେ ୭ ନମ୍ବରରେ ଆସି ମଧ୍ୟ ଶତକ କରିଥିଲେ। ସେ ତାଙ୍କ କୋଚ୍ଙ୍କୁ କହିଥିଲେ ତାଙ୍କୁ ନମ୍ବର ୩ରେ ଖେଳାଇବାକୁ ଏବଂ ଲିଷ୍ଟ ଏ’ ଏବଂ ଟି-୨୦ରେ ଓପନିଂ କରିବାକୁ ଦିଆଯାଉ। କିନ୍ତୁ ସେ ତାଙ୍କ କଥା ଶୁଣି ନଥିଲେ। ମୁଁ ଅର୍ଜୁନ ତେନ୍ଦୁଲକରଙ୍କୁ ସର୍ବଶ୍ରେଷ୍ଠ ଖେଳାଳି କରିବାକୁ ଚାହୁଁଛି।’ ଅର୍ଜୁନ ତେନ୍ଦୁଲକରଙ୍କ ଆଇପିଏଲ କ୍ୟାରିୟର ବିଷୟରେ ଯଦି କଥା ହେବା ତେବେ ସେ ଏପର୍ଯ୍ୟନ୍ତ କେବଳ ପାଞ୍ଚଟି ମ୍ୟାଚ୍ ଖେଳିଛନ୍ତି, ସମସ୍ତ ମ୍ୟାଚ୍ ମୁମ୍ବାଇ ଇଣ୍ଡିଆନ୍ସ ପାଇଁ। ସେହି ପାଞ୍ଚଟି ଇନିଂସରେ ଅର୍ଜୁନ ବୋଲିଂ କରିବା ସମୟରେ ତିନୋଟି ୱିକେଟ ନେଇଥିଲେ। ବ୍ୟାଟିଂ କରିବା ସମୟରେ ସେ ଗୋଟିଏ ଇନିଂସରେ ୧୩ ରନ ମଧ୍ୟ କରିଥିଲେ।
