ନିମବାହାଳି,୧୫/୦୫: ମୋଟଙ୍ଗା ଥାନା ଇଲାକା ଗଉଡ଼କାଟେଣି ଛକରେ ଯୁବକଙ୍କୁ ମରଣାନ୍ତକ ଆକ୍ରମଣ। ଗୁରୁତର ଅବସ୍ଥାରେ ଉଦ୍ଧାର ତାଙ୍କୁ ଓଡାପଡ଼ା ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରରେ କରାଯାଇଛି ଭର୍ତ୍ତି । ତେବେ ଗୁରୁତର ଯୁବକ ଜଣକ ଅନୁଗୁଳ ଜିଲ୍ଲା ସଦରଥାନା କୁଶାସିଙ୍ଗ ଗାଁର ସୁଦାମ ବେହେରା ବୋଲି ଜଣାପଡ଼ିଛି।
ସୂଚନା ମୁତାବକ, ଯୁବକ ଜଣକ ଓଡାପଡ଼ା ଅଞ୍ଚଳରେ ଜଣେ ସାଙ୍ଗ ସହିତ ସ୍ଥାନୀୟ ଅଞ୍ଚଳକୁ ଯାତ୍ରା ଦେଖିବାକୁ ଆସିଥିଲେ। ରାତିରେ ମଦ୍ୟପାନ କରିବା ପରେ କୌଣସି କାରଣରୁ ସୁଦାମଙ୍କ ସାଙ୍ଗମାନଙ୍କ ସହିତ ଯୁକ୍ତିତର୍କ ହୋଇଥିଲା। ଏଥିରେ ଉତ୍କ୍ଷିପ୍ତ ହୋଇ ତାଙ୍କ ସାଙ୍ଗ ତାକୁ ଏକ ମାରଣାସ୍ତ୍ରରେ ହାଣି ରାସ୍ତାକଡରେ ପକାଇ ପଳାଇ ଯାଇଥିଲା। ଖବର ପାଇ ମୋଟଙ୍ଗା ପୋଲିସ ଗଉଡ଼କାଟେଣି ଛକରେ ପହଞ୍ଚି ଗୁରୁତର ଅବସ୍ଥାରେ ଉଦ୍ଧାର ତାଙ୍କୁ ଓଡାପଡ଼ା ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ର ଭର୍ତ୍ତି କରିଥିଲେ। ଅବସ୍ଥା ସଙ୍କଟାପନ୍ନ ଥିବାରୁ ଢେଙ୍କାନାଳ ଜିଲ୍ଲା ଚିକିତ୍ସାଳୟରେ ଭର୍ତ୍ତି ହୋଇଥିବା ସୂଚନା ମିଳିଛି ।
