ଛତ୍ରପୁର,୨୯/୦୬: ଗଞ୍ଜାମ ଜିଲ୍ଲା ଛତ୍ରପୁର ଥାନା ବ୍ରାହ୍ମଣିଆପଲ୍ଲୀ ଗ୍ରାମର ଏ. ଲାଛେୟା ପାତ୍ରକୁ ହତ୍ୟା କରାଯାଇଛି । ଛତ୍ରପୁର ମେଡିକାଲରେ ରବିବାର ତାଙ୍କର ମୃତ୍ୟୁ ଘଟିଛି । ଛତ୍ରପୁର ଆଇଆଇସି ସୁଭାଶିଷ ମହାନ୍ତି ମେଡିକାଲରେ ପହଞ୍ଚି ମୃତଦେହ ଜବତ କରିଛନ୍ତି । ଘଟଣାସ୍ଥଳକୁ ଯାଇ ପୁଲିସ ତଦନ୍ତ କରୁଛି ।
ସୂଚନା ମୁତାବକ, ଶନିବାର ମଧ୍ୟାହ୍ନରେ ବ୍ରାହ୍ମଣିଆପଲ୍ଲୀ ଗ୍ରାମର ଏ. ଜୀନୁ ପାତ୍ରଙ୍କ ପୁଅ ଏ. ଲାଛେୟା ପାତ୍ର ଗାଁ ରାସ୍ତାରେ ଆସୁଥିବା ବେଳେ କିଛି ଦୁର୍ବୃତ୍ତ ତାଙ୍କୁ ଅଟକାଇ ପଥରରେ ଛେଚି ଦେଇଥିଲେ । ଗୁରୁତର ଅବସ୍ଥାରେ ତାଙ୍କୁ ଶନିବାର ଛତ୍ରପୁର ମେଡିକାଲରେ ଭର୍ତ୍ତି କରାଯାଇଥିଲା । ତେବେ ବର୍ତ୍ତମାନ ତାଙ୍କ ମୃତ୍ୟୁ ଘଟିଛି । ତେବେ ବର୍ତ୍ତମାନ ଏହି ହତ୍ୟାକାଣ୍ଡର କାରଣ ଜଣାପଡ଼ିନାହିଁ ।
