ଦାରିଙ୍ଗବାଡ଼ି,୧୫/୫: ଘର ଅଗଣାରେ ଥିବ କୂଅରେ ପଡ଼ି ଜଣେ ଯୁକକଙ୍କ ମୃତ୍ୟୁ ଘଟିଛି । ଘଟଣା ଘଟିଛି ଦାରିଙ୍ଗବାଡ଼ି ସନାମାହା ସାହିରେ। ଗାଁର ଶିଶିର ସାହୁଙ୍କ ଘର ଅଗଣାରେ ଥିବା କୂଅରେ ପଡ଼ି ଭଣଜା ଦେବାଶିଷ ସାହୁ (୨୪)ଙ୍କ ମୃତ୍ୟୁ ହୋଇଛି। ଶିଶିର ସାହୁଙ୍କ ଭଉଣୀ, ଭିଣୋଇ ଚିତ୍ତରଞ୍ଜନ ସାହୁ ଓ ଭଣଜା ଦେବାଶିଷ ଆଜକୁ ୨୦ ବର୍ଷ ହେବ ତାଙ୍କ ଘରେ ରହି ଆସୁଥିଲେ। ତିନିଦିନ ହେବ ମୃତ ଦେବାଶିଷ ନିଖୋଜ ଥିଳେ । ପରିବାର ଲୋକ ଖୋଜାଖୋଜି କରି ତାଙ୍କୁ ପାଇନଥିଲେ । ଆଜି ସକାଳେ ପରିବାରର ଲୋକେ ଘରର ଅଗଣାରେ ଥିବା କୂଅ ଭିତରେ ଭାସୁଥିବା ଅବସ୍ଥାରେ ତାଙ୍କ ମୃତ ଦେହ ଦେଖିବାକୁ ପାଇଥିଲେ। ଏହି ଖବର ଦାରିଙ୍ଗବାଡ଼ି ପୋଲିସକୁ ଜଣାଇବା ପରେ ଦାରିଙ୍ଗବାଡ଼ି ଅଗ୍ନିଶମ ବାହିନୀଙ୍କ ସହାୟତାରେ ମୃତ ଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଯାଇଥିବା ଜଣାପଡ଼ିଛି। ଏ ଘଟଣା ହତ୍ୟା ନା ଆତ୍ମହତ୍ୟା କାରଣ ଅସ୍ପଷ୍ଟ ରହିଛି। ଘଟଣାର ସଠିକ ତଦନ୍ତ କରାଯିବ ବୋଲି ଦାରିଙ୍ଗବାଡ଼ି ଥାନା ଅଧିକାରୀ କନକ ମାଝୀ ସୂଚନା ଦେଇଛନ୍ତି।
