ନୂଆଦିଲ୍ଲୀ, ୨୮/୦୩: ମାଫିଆ ଡନ୍ ମୁଖତାର ଅଂସାରୀର ମୃତ୍ୟୁ ହୋଇଛି । ବାନ୍ଦା ଜେଲରେ ବନ୍ଦୀ ଥିବା ମୁଖତାର ଅଂସାରୀର ସ୍ୱାସ୍ଥ୍ୟ ଗୁରୁବାର ସନ୍ଧ୍ୟାରେ ବିଗିଡ଼ି ଥିଲା । ବାରାକରେ ମୁଖତାର ଅଂସାରୀ ହଠାତ୍ ବେହୋସ୍ ହୋଇ ପଡ଼ିଥିଲା ।
ଏହା ପୂର୍ବରୁ ମଙ୍ଗଳବାର ମୁଖତାର ଅଂସାରୀଙ୍କୁ ମଙ୍ଗଳବାର ରାନୀ ଦୁର୍ଗାବତୀ ମେଡିକାଲ୍ କଲେଜରେ ଭର୍ତ୍ତି କରାଯାଇଥିଲା । ୧୪ ଘଣ୍ଟା ଆଇସିୟୁରେ ରଖା ଯାଇ ଚିକିତ୍ସା କରା ଯାଇଥିଲା । ସୂଚନାଯୋଗ୍ୟ, କୋର୍ଟରେ ମୁଖତାର ଅଭିଯୋଗ କରିଥିଲା, ଜେଲରେ ତାକୁ ସ୍ଲୋ ପଏଜନ୍ ଦିଆ ଯାଉଛି ।
ମିଳିଥିବା ସୂଚନା ଅନୁସାରେ, ଜେଲର ଡାକ୍ତରଙ୍କ ଆଗରେ ମୁଖତାର ଅଂସାରୀ ଅସୁସ୍ଥ ହୋଇ ପଡ଼ିଥିଲା । ତୁରନ୍ତ ମେଡିକାଲ୍ କଲେଜ ନିଆ ଯାଇଥିବା ବେଳେ ୨ଥର ପେଟର ଏକ୍ସରେ କରା ଯାଇଥିଲା । ରକ୍ତ ନମୁନା ସଂଗ୍ରହ କରାଯିବା ସହ ଅନ୍ୟ ପରୀକ୍ଷା କରା ଯାଇଥିଲା । ରିପୋର୍ଟ ଠିକ୍ ଆସିବାରୁ ଜେଲକୁ ପଠାଇ ଦିଆ ଯାଇଥିଲା ।
ଗୁରୁବାର ଖାଦ୍ୟ ଖାଇବା ବେଳେ ପୁଣି ଅସୁସ୍ଥ ହୋଇ ପଡ଼ିଥିଲା ମୁଖତାର ଅଂସାରୀ । ବାନ୍ଦା ଜେଲରେ ହୃଦଘାତ ହୋଇଥିବା ବେଳେ ବାନ୍ଦା ମେଡିକାଲ କଲେଜରେ ମୃତ୍ୟୁ ହୋଇଛି । ମୁଖତାରର ମୃତ୍ୟୁ ପରେ ହସ୍ପିଟାଲରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ବାନ୍ଦା ସହ ଗାଜୀପୁରରେ ଲାଗୁ ହୋଇଛି ୧୪୪ ଧାରା ।
ସୂଚନା ଅନୁସାରେ, ଗୁରୁବାର ରାତି ୮ଟା ୨୫ ସମୟରେ ମୁକତାର ଅଂସାରୀକୁ ମେଡିକାଲ୍ ନିଆ ଯାଇଥିଲା । ସେଠାରେ ୯ ଜଣିଆ ଡାକ୍ତରୀ ଦଳ ଚିକିତ୍ସା କରୁଥିଲେ ମଧ୍ୟ ବଞ୍ଚାଇ ପାରି ନଥିଲେ । ମୁଖତାରଙ୍କ ମୃତ୍ୟୁରେ ସମାଜବାଦୀ ପାର୍ଟି ଦୁଃଖ ପ୍ରକାଶ କରିଛି ।