ଅନୁଗୁଳ, ୯।୭: ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଅନ୍ତର୍ଗତ ରଞ୍ଜାସିଂହା ଗ୍ରାମର ଜଣେ ବ୍ୟକ୍ତିଙ୍କର ବିଦ୍ୟୁତ୍ ଆଘାତ ଜୀବନ ଯାଇଛି । ମୃତ ବ୍ୟକ୍ତି ହେଲେ ରଞ୍ଜାସିଂହା ଗ୍ରାମର କାର୍ତ୍ତିକ ପରିଡ଼ାଙ୍କ ପୁଅ ୪୫ ବର୍ଷୀୟ ନଟବର ପରିଡ଼ା ।
ସୂଚନାନୁଯାୟୀ, ନଟବର ସକାଳ ପ୍ରାୟ ୯ଟା ବେଳେ ଘରେ ବିଦ୍ୟୁତ୍ ହୋଲ୍ଡର ସଜାଡ଼ୁଥିବା ବେଳେ ତାଙ୍କୁ ବିଦ୍ୟୁତ୍ ଆଘାତ ଲାଗିଥିଲା । ପରିବାର ଲୋକ ନଟବରଙ୍କୁ ଉଦ୍ଧାର କରି ତୁରନ୍ତ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । କିନ୍ତୁ, ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ମୋଟଙ୍ଗା ଥାନା ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି ।
