ଭୁବନେଶ୍ୱର, ୧୧/୦୫: ଘର ଆଗରେ ଥିବା ଖୁଣ୍ଟରୁ ଛିଡ଼ିଲା ୪୪୦ଭୋଲ୍ଟ ଇଲେକ୍ଟ୍ରି ତାର । ସର୍ଟ ସର୍କିଟ ପରେ ହେଲା ଭୟଙ୍କର ବିସ୍ଫୋରଣ । ତାରରୁ ନିଆଁ ବ୍ୟାପି ଜଳିଗଲା ଘର । ଅଳ୍ପକେ ବର୍ତିଲେ ପାଇକନଗର ଲେନ ୨ ବାସିନ୍ଦା । ନୟାପଲ୍ଲୀ ଥାନା ପାଇକନଗର କ୍ଳବ୍ ପାଖରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ପାଇକନଗର କ୍ଳବ୍ ପାଖରେ ଥିବା ଖୁଣ୍ଟରୁ ହଠାତ ୪୪୦ଭୋଲ୍ଟ ଇଲେକ୍ଟ୍ରି ତାର ଛିଡ଼ି ପଡ଼ିଥିଲା । ତାରଟି ଛିଡି ଏକ ଘର ଉପରେ ପଡ଼ିଥିଲା । ସେଠାରେ ସର୍ଟ ସର୍କିଟ ପରେ ଭୟଙ୍କର ବିସ୍ଫୋରଣ ହୋଇଥିଲା । ଚାହୁଁଚାହୁଁ ନିଆ ବ୍ୟାପି ଯାଇଥିଲା । ଫଳରେ ଦୀର୍ଘ ୪୫ ମିନିଟ ଧରି ନିଆଁ ବଳୟରେ ଫସି ରହିଥିଲେ ପରିବାରଲୋକେ । ଏହା ଦେଖି ସ୍ଥାନୀୟଲୋକେ ତୁରନ୍ତ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବାହିନୀର କର୍ମଚାରୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରି ଲୋକଙ୍କୁ ଉଦ୍ଦର କରିଥିଲେ । ତେବେ ପୂର୍ବରୁ ଧଉଳି ଓ ବଡଗଡ ଥାନା ଅଧୀନରେ ଘଟିଛି ଏପରି ଘଟଣା।
