ନୂଆଦିଲ୍ଲୀ : ଟିମ୍ ଇଣ୍ଡିଆର ଷ୍ଟାର ବ୍ୟାଟର ବିରାଟ କୋହଲିଙ୍କ ପାଇଁ ରଣଜୀ ଟ୍ରଫିକୁ ଫେରିବା ଭଲ ରହି ନାହିଁ ଏବଂ କେବଳ ଗୋଟିଏ ଇନିଂସରେ ତାଙ୍କୁ ଖେଳିବାର ସୁଯୋଗ ମିଳିଛି, ଯେଉଁଥିରେ ସେ ରନ୍ ମଧ୍ୟ ମାତ୍ର ୬ ହିଁ କରି ପାରିଛନ୍ତି। ହେଲେ କୋହଲିଙ୍କ ରଣଜୀ କ୍ରିକେଟ୍କୁ ଫେରିବାକୁ ନେଇ ଉତ୍ସାହ ଓ ଚର୍ଚ୍ଚା ବହୁତ ଅଧିକ ରହିଛି। କୋହଲିଙ୍କର ରଣଜୀ ଟ୍ରଫିରେ ଫେରିବାର ନିଷ୍ପତ୍ତି ବିସିସିଆଇର ନିର୍ଦ୍ଦେଶ ପରେ ଆସି ଥିଲା, ଯେଉଁଥିରେ ସବୁ ବରିଷ୍ଠ ଖେଳାଳିଙ୍କୁ ଘରୋଇ କ୍ରିକେଟ୍ ଖେଳିବା ପାଇଁ କୁହାଯାଇ ଥିଲା। ଯଦି ଟିମ୍ ଇଣ୍ଡିଆର ହିଁ ଏକ ପୂର୍ବତନ ବରିଷ୍ଠଙ୍କ ଅନୁସାରେ ,କୋହଲିଙ୍କ ଭଳି ଖେଳାଳିଙ୍କୁ ରଣଜୀ ଟ୍ରଫି ଖେଳିବା ପାଇଁ ବାଧ୍ୟ କରିବା ଠିକ୍ ନୁହେଁ।
ଅନେକ ସମୟରେ ବିରାଟ କୋହଲି ଓ ତାଙ୍କର ଆଇପିଏଲ ଟିମ୍ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁକୁ ଟାର୍ଗେଟ୍ କରିବାର କାରଣରୁ ଚର୍ଚ୍ଚାରେ ରହୁଥିବା ପୂର୍ବତନ ବରିଷ୍ଠ ବ୍ୟାଟର ରାୟୁଡୁ ନିଜର ଏକ୍ସ ପୋଷ୍ଟରେ ଲେଖିଛନ୍ତି ଯେ, କୋହଲିଙ୍କ ଟେକନିକ୍ରେ ସମସ୍ୟା ନାହିଁ ଏବଂ ତାଙ୍କୁ କେବଳ ସମୟ ଦେବାର ଆବଶ୍ୟକ ରହିଛି। ରାୟୁଡୁ ଲେଖିଛନ୍ତି , ଏହି ସମୟରେ ବିରାଟ କୋହଲିଙ୍କୁ ରଣଜୀଙ୍କ ଆବଶ୍ୟକ ନାହିଁ। ତାଙ୍କର ଟେକନିକ୍ ୮୧ ଶତକ କରିବା ସମୟରେ ଭଲ ଥିଲା ଏବଂ ଏହା ଆଗକୁ ମଧ୍ୟ ଭଲ ରହିବାକୁ ଯାଉଛି । କାହାକୁ ବି କିଛି କରିବାକୁ ବାଧ୍ୟ କରିବା ଉଚିତ୍ ନୁହେଁ , ତାଙ୍କୁ ପୁଣି ଥରେ ସବୁକିଛି ଭଲ ଅନୁଭବ କରିବାକୁ ସମୟ ଦରକାର ।
ରାୟୁଡୁ ଏହାସହ କୋହଲିଙ୍କ ଉପରେ ଭରସା କରିବା ଓ ତାଙ୍କର ସମ୍ମାନ କରିବାର ଅପିଲ କରି କହିଛନ୍ତି କି ତାଙ୍କୁ ଏହି ସମୟରେ ଏକୁଟିଆ ଛାଡ଼ିବାର ଆବଶ୍ୟକତା ରହିଛି। ଯେଉଁଥିରେ ତାଙ୍କ ଭିତରର ଜୋସ୍ ପୁଣି ଥରେ ଆପେ ଆପେ ତେଜି ଉଠିବ ।
ଉଲ୍ଲେଖନୀୟ ଯେ, ବିରାଟ କୋହଲିଙ୍କ ପାଇଁ ଅଷ୍ଟ୍ରେଲିଆ ଗସ୍ତ ଭଲ ନଥିଲା ଏବଂ ସେଠାରେ ତାଙ୍କର ବ୍ୟାଟ୍ରୁ କେବଳ ୧୯୦ ରନ୍ ବାହାରି ଥିଲା। ଏହାପର ଠାରୁ ତାଙ୍କ ଉପରେ ମଧ୍ୟ ଚାପ ବଢି ଯାଇଛି ଏବଂ ଟିମ୍ ଇଣ୍ଡିଆରେ ତାଙ୍କ ସ୍ଥାନରେ ବିପଦ ଛାଇ ଯାଇଛି। ଏହି ସମୟରେ ସେ ୧୨ ବର୍ଷ ପରେ ରଣଜୀ ଟ୍ରଫି ଖେଳିବାକୁ ଓହ୍ଲାଇଲେ , ଯେଉଁଠି ତାଙ୍କର ଭଲ ପ୍ରଦର୍ଶନର ଆଶା ଥିଲା , କିନ୍ତୁ ଏମିତି ହୋଇ ପାରିଲା ନାହିଁ। ଏବେ ସମସ୍ତଙ୍କ ନଜର ଇଂଲଣ୍ଡ ବିରୋଧରେ ହେବାକୁ ଥିବା ୱାନଡେ ସିରିଜ ଉପରେ ରହିଛି , ଯାହା ୬ ଫେବ୍ରୁଆରୀରୁ ଆରମ୍ଭ ହେବ।
