ଭୁବନେଶ୍ବର, ୧୯/୦୮: ଲାଞ୍ଚ ନେବା ମାମଲାରେ ପୂର୍ବତନ ଯନ୍ତ୍ରୀ ଦୋଷୀ ସାବ୍ୟସ୍ତ । ବାଲେଶ୍ବର ଜିଲ୍ଲା ଜଳସେଚନ ବିଭାଗର ଅବସରପ୍ରାପ୍ତ ନିର୍ବାହୀ ଯନ୍ତ୍ରୀ କୁମୁଦା ଚନ୍ଦ୍ର ପ୍ରଧାନଙ୍କୁ ସ୍ବତନ୍ତ୍ର ଭିଜିଲାନ୍ସ କୋର୍ଟ ଦୋଷୀ ସାବ୍ୟସ୍ତ କରି ତିନି ବର୍ଷ ଜେଲ୍ ଦଣ୍ଡ ସହିତ ୫୦ ହଜାର ଟଙ୍କା ଜରିମାନା ଲଗାଇଛନ୍ତି । 

ସୂଚନା ଅନୁଯାୟୀ, ବାଲେଶ୍ବର ଜଳସେଚନ ବିଭାଗର ତତ୍କାଳୀ ନିର୍ବାହୀ ଯନ୍ତ୍ରୀ କୁମୁଦା ଚନ୍ଦ୍ର ପ୍ରଧାନ ଜଣେ ଠିକାଦାରଙ୍କୁ କାର୍ଯ୍ୟାଦେଶ ପ୍ରଦାନ ସମ୍ପର୍କରେ ଚୁକ୍ତିନାମା ପ୍ରକ୍ରିୟାକରଣ ପାଇଁ ୧୦ ହଜାର ଟଙ୍କା ଲାଞ୍ଚ ନେବା ବେଳେ  ଭିଜିଲାନ୍ସ ହାତରେ ଧରା ପଡ଼ିଥିଲେ । ଓଡ଼ିଶା ଭିଜିଲାନ୍ସ ପକ୍ଷରୁ ୧୯୮୮ ଧାରା ୧୩(୨) r/w ୧୩(୧)(ଡି)/୭ ପିସି ଆଇନ ଅନୁଯାୟୀ, ଚାର୍ଜସିଟ୍ ଦାଖଲ କରିଥିଲା । ସ୍ବତନ୍ତ୍ର ଅଦାଲତ ବାଲେଶ୍ବର, ମାମଲାର ଶୁଣାଣି କରି, ତଥ୍ୟ ପ୍ରମାଣ ଆଧାରରେ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରି ରାୟ ଶୁଣାଇଛନ୍ତି । କୁମୁଦା ଚନ୍ଦ୍ର ପ୍ରଧାନଙ୍କୁ ତିନି ବର୍ଷ ସଶ୍ରମ କାରାଦଣ୍ଡ ସହିତ ୫୦ ହଜାର  ଜେଲ୍ ଜରିମାନା ଲଗାଇଛନ୍ତି କୋର୍ଟ । ସେପଟେ ରାୟ ଆସିବା ପରେ ଭିଜିଲାନ୍ସ ପକ୍ଷରୁ କୁମୁଦା ପ୍ରଧାନଙ୍କ ପେନସନ୍ ବନ୍ଦ ପାଇଁ ଆବେଦନ କରାଯିବ ବୋଲି ସୂଚନା ଦିଆଯାଇଛି ।...